وتەبێژی وەزارەتی دەرەوەی عێراق رایگەیاند، ١٤ هاوڵاتی عێراقی نیشتەجێی سودان لە خەرتوم رزگارکرکاون و گواستراونەتەوە بۆ ناوچەیەکی سەلامەت و هێلی گەرمی تەلەفۆنیان بۆ ئامادەکراوە لە ئەگەری پێویستییەک.
ئەحمەد سەحاف وتەبێژی وەزارەتی دەرەوەی عێراق بە ئاژانسی هەواڵێ عێراقی راگەیاند، ١٤ هاوڵاتی عێراقی لە خەرتومی پایتەختی سودان رزگارکراون لەسەر داواکاری خۆیان و گواستراونەتەوە بۆ شوێنێکی سەلامەت لە ناوچەی بۆرسودان.
ئاماژەی بەوەشدا، لە هەوڵەکانیان بەردەوامن بۆ رزگارکردن و
گواستنەوەی هاوڵاتییە عێراقییەکانی دیکەی سودان و بە درێژایی رۆژ هەمانەگن لەگەڵ
هاوڵاتیانی عێراق لە خەرتوم.
ئەوەشی خستووەتەڕوو، هێلی گەرمی تەلەفۆن ئامادەکراوە بۆ ئەو
هاوڵاتییە عێراقییانەی لە سودان نیشتەجێن تاوەکو پەیوەندییەکانیان وەربگیرێت و وەڵامی
داواکارییەکانیان بدرێتەوە.
ئەمەش لە دوای ئەوە دێت لە رێکەوتی ١٥ی نیسان ململانێی چەکداری لە نێوان
سوپای سودان و هێزەکانی پشتیوانی خێرا لە خەرتومی پایتەخت و چەند ناوچەیەکی دیکەی
ئەو وڵاتە دروستبوو.