ئاماژەی بەوەشدا، چەندین تێبینی و رەخنە و پێشنیاز لەسەر پڕۆژە یاسای بودجەی گشتی لەلایەن پەرلەمانتارانەوە هەیە و گفتوگۆکانیش چەندین رۆژی دەوێت.

ئەوەشی خستەڕوو، کۆتا وادە بۆ دەنگدان لەسەر پەسەندکردنی پڕۆژە یاسای گشتی بودجە مانگی ئایار دەبێت، دوای ئەوەی بۆچوونی شارەزایان وەردەگیرێت و میوانداریکردنی وەزیرەکان و بەرپرسانی پەیوەندیدار سازدەکرێت بە ئامانجی کارکردن بۆ کەمکردنەوەی بودجە و کورتهێنان کە دەگاتە ٦٤ ترلیۆن دینار.

موعین کازمی ئەوەشی ئاشکرا کرد، بۆچوونێک هەیە لەبارەی کەمکردنەوەی بودجەی بەکارهێنان و بەرزکردنەوەی رێژەی بودجەی تەرخانکراو بۆ گەشە پێدانی هەرێمەکان لە دوو ترلیۆن و ٥٠٠ ملیار دینارەوە بۆ چوار ترلیۆن دینار.

ئەمە لەکاتێکدایە، رۆژانی ١٦ – ١٧ی ٤ی ٢٠٢٣ بە ئامادەبوونی زیاتر لە ١٩٨ پەرلەمانتار خوێندەوەی یەکەم بۆ پڕۆژە یاسای بودجە کرا.

بە گوێرەی زنیارییەکان پشکی هەرێم لە بودجەی عێراق زیاد دەکرێت و شایستەی دارایی زیاتری بۆ دابین دەکرێت و مووچەی پێشمەرگە لە بودجەی عێراق هەژمار دەکرێت.

رۆژی ٢ی ٤ی ٢٠٢٣، موحسن مەندەلاوی جێگری یەکەمی سەرۆکی ئەنجومەنی نوێنەرانی عێراق، پرۆژەیاسای بودجەی بۆ ساڵانی ٢٠٢٣، ٢٠٢٤ و ٢٠٢٥ رەوانەی لیژنەی دارایی ئەنجومەنی نوێنەران کرد.

لە رۆژی ١٣ی ٣ی ٢٠٢٣ ئەنجومەنی وەزیرانی عێراق، پرۆژەیاسای بودجەی پەسەند کرد و رۆژی ١٧ی ھەمان مانگە رەوانەی ئەنجومەنی نوینەرانی کرد.

پێشتر باسم عەوادی وتەبێژی حکومەتی عێراق رایگەیاندبوو، قەبارەی بودجەی عێراق بۆ ساڵی ٢٠٢٣، دەگاتە ١٩٧ تریلیۆن و ٨٢٨ ملیار دینار و کورتھێنان لە بودجەی گشتیی ئەمساڵدا، ٦٣ تریلیۆن دینارە.