باسی لەوەشکردووە، لە خەرتومی پایتەختی سودان ٢٥ کەس گیانیانلەدەستداوە کە ١٧ کەسیان هاوڵاتی سڤیلن و هەشت کەسیان چەکدارن و ٣٠٢ کەسیش بریندار بووە.

هاوکات، لە شاری بەحری هەشت کەس گیانیانلەدەستداوە کە حەوتیان هاوڵاتی سڤیل بوون و یەک کەسیشیان چەکدار بووە و ٨٦ کەسی دیکەش بریندار بوون و لە شاری ئەل ئەقالیمیش ٢٥ کەس گیانیانلەدەتسداوە و ١٦٥ کەس برینداربوون.

ئەمەش لە دوای ئەوەدێت، لە بەرەبەیانی دوێنێ شەممە، ململانێکی چەکداری لە نێوان سوپای سودان و هێزەکانی پشتیوانی لە خەرتومی پایتەخت و چەند ناوچەیەکی دیکەی ئەو وڵاتە دروستبوو، ئەمەش لە کاتێکدایە لەم دواییانەدا نیگەرانی هەڵگیرسانی ناکۆکی فراوان لە سودان دروست بووە.

پشێوییەکانی نێوان هێزەکانی پشتیوانی خێرا و سوپای سودان لە خەروتومی پایتەختی ئەو وڵاتە زۆر چڕە بە تایبەتی لە ناوەڕاستی شارەکە لە گەڕەکی بەحری.

هاوکات، فەرماندەی سوپاش ئاماژەی بەوەدا، "هێزەکانی پشتیوانی خێرا لە باشووری خەرتومی پایتەخت هێرشیان کردووەتە سەرمان و پاشان ململانێ دروست بووە".

دەشڵێت، لە ململانێکەدا فەرماندەی مەیدانی هێزەکانی پشتیوانی خێرا برینداربووە و دەنگۆی کۆنتڕۆڵکردنی فرۆکەخانەی مروی رەتدەکەنەوە دووپاتیانکردەوە کە سەرجەم فرۆکەخانەکان لە ژێر کۆنتڕۆڵی سوپای سوداندایە.

هێزەکانی پشتیوانی خێرا بۆ یەکەمین جار لە ساڵی ٢٠١٣ دەرکەوتن و هێزێکی چەکداری نیمچە سەربازین و لە سەردەمی جەنگی دارفور بە ناوی عومەر بەشیری سەرۆکی پێشووی سودان دەجەنگان.