لە کاتی داخستنی بازاڕی دراودا نرخی ١٠٠ دۆلار بە ١٤٤ هەزار و ٩٠٠ دینار مامەڵەی پێوەکرا و بەمەش بەراورد بەکاتی کردنەوەی بازاڕ نرخی دۆلار هەزار و ٦٥٠ دینار بەرزبووەتەوە.
ئەمڕۆ سێشەممە، لە کاتی کردنەوەی بازاڕی دراو ١٠٠ دۆلار بە ١٤٣ هەزار و ٢٥٠ دینار مامەڵەی پێوەکراوە.
هاوکات، ئەمڕۆ بانکی ناوەندی عێراق ١٩١ ملیۆن و ٥١٠ هەزار و ٩٨ دۆلاری
خستە بازاڕەوە و لەو بڕەش، ١٤٥ ملیۆن و ١٠ هەزار و ٩٨ دۆلاری بەشێوەی هەناردە و ٤٦
ملیۆن و ٥٠٠ هەزار دۆلاریشی بەشێوەی نەختینەی فرۆشتووە.
ئەوەش لە کاتێکدایە، ماوەی هەفتەیەکە بەهای دۆلار بە شێوەیەکی بەرچاو و بەردەوام
روو لە دابەزین بوە و بەهای ١٠٠ دۆلار لە ١٥٧ هەزار دینارەوە بۆ خوار ١٤٧ هەزار دینار
دابەزیوە و بەوەش زیاتر لە ١٠ هەزار دیناری لە بەهاکەی لەدەستداوە.
لایخۆشیەوە، نوری مالیکی سەرۆکی
هاوپەیمانی دەوڵەتی یاسا ئاماژەی بەوەدا، رێکارەکانی بانکی ناوەندی بۆ بەرزکردنەوەی
بەهای دینار بەردەوامە و لە ماوەی دوو هەفتەی داهاتوو کاریگەرییەکانی دەردەکەوێت و
بەهای دۆلار کۆنتڕۆڵ دەکرێتەوە.