بەپێی زانیارییەکانی رۆژنامەی ئیتیحادی ئیماراتی، لەدوای رێککەوتنی هەرێم و بەغدا کۆمپانیا بیانیەکانی هەناردەکردنی نەوتی هەرێم ئاگادارکراونەتەوە گرێبەستە کۆنەکانیان هەڵبوەشێننەوە و گریبەستی نوێ واژوو بکەن.
رۆژنامەى ئیتیحادى ئیماراتى بڵاوى کردەوە، تەواوى ئەو گرێبەستانەى هەرێم لەگەڵ کۆمپانیاکانى نەوت واژۆى کردون هەڵدەوەشێنرێنەوە و جارێکى دیکە و بەشێوازێکى نوێ گرێبەستیان لەگەڵ دەکرێتەوە.
هەر بەپێى زانیارییەکانى میدیا ئیماراتییەکە هۆکارى سەرەکى هەڵوەشانەوەى
ئەو گرێبەستانە بۆ ئەوە دەگەڕێتەوە کە حکومەتى عێراق راستەوخۆ نەوتى هەرێم بە نرخى
ستاندارى جیهانى دەفرۆشێت و هەر بەغداش کڕیارى دیکە بۆ نەوتەى هەرێم دەدۆزێتەوە.
رۆژى ٢٣ى مانگى رابردوو دادگاى نێودەوڵەتى پاریس دۆسیەى نەوتى هەرێمى یەکلاییکردەوە
و رێگرى لە تورکیا کرد نەوتى هەرێم هاوردەبکات.
دواتریش هەرێم و عێراق رێککەوتن نەوتی هەرێم لەرێگەی کۆمپانیای سۆموە
بفرۆشرێت.