پاش ئەوەی وەزارەتی خوێندنی باڵا دابینکردنی شەش هەزار کورسی بۆ خوازیارانی خوێندنی ماستەر و دبلۆمی باڵا و دکتۆرا راگەیاند، مەرجەکانی پێشکەشکردنی خوێندنی بۆ ئەو سێ بڕوانامەیە بڵاوکردەوە.
وەزارەتی خوێندنی باڵا ئاماژەی بەوەکردووە،بۆ خوێندنی دکتۆرا هەزار و ٨٣٤ کورسى و بۆ ماستەر سێ هەزار و ٣١٢ کورسى و بۆ دبلۆمى دو ساڵەى پزیشکى کلینیکى ١٦٠ کورسى و بۆ دبلۆمی باڵای یەک ساڵەی ئەکادیمی دوو هەزار و ٣٠٨ کورسى ئامادەکراوە و بەم مەرجانە خوێندکار بۆ خوێندن وەردەگیرێت:
بۆ خوێندنی دکتۆرا:
یەکەم: نابێت کۆنمرەی بەکالۆریۆس لە ٦٠ کەمتر بێ.
دووەم: کۆنمرەی ماستەری نابێ لە ٧٠ کەمتر بێ.
سێیەم: مەرجی خزمەتی دوو ساڵی کرداری دوای بەدەستهێنانی بڕوانامەی ماستەر.
چوارەم: لە تاقیکردنەوەی
توانستی زانستی دەربچێت واتا نابێ لە ١٥ کەمتر بهێنێ.
بۆ خوێندنی ماستەر:
یەکەم: نابێت کۆنمرەی بەکالۆریۆس لە ٦٠ کەمتر بێ.
دووەم: مەرجی خزمەتی دوو ساڵی کرداری دوای بەدەستهێنانی بڕوانامەی بەکالۆریۆس.
سێیەم: لە تاقیکردنەوەی توانستی زانستی دەربچێت واتا نابێ لە ١٥ کەمتر بهێنێ.
بۆ خوێندنی دبلۆمی باڵای یەک ساڵەی ئەکادیمی:
یەکەم: نابێت کۆنمرەی بەکالۆریۆس لە ٥٠ کەمتر
بێ.
دووەم: مەرجی خزمەتی دوو ساڵی کرداری دوای بەدەستهێنانی بڕوانامەی بەکالۆریۆس.
سێیەم: لە تاقیکردنەوەی توانستی زانستی دەربچێت واتا نابێ لە ١٥ کەمتر بهێنێ.
وەزارەتی خوێندنی باڵا پێوەرەکانی پێشبڕکێی وەرگرتنی بەم جۆرە بڵاوکردووەتەوە:
بۆ خوێندنی دکتۆرا:
یەکەم: کۆنمرەی
بەکالۆریۆس واتا لە ٦٠ بەسەرەوە چەندت هەبێ ئەوەندە خاڵت دەبێ.
دووەم: کۆنمرەی ماستەر واتا لە ٧٠ بەسەرەوە چەندت هەبێ ئەوەندە خاڵت بۆ
دادەنرێ..
سێیەم: بڵاوکردنەوەی
توێژینەوەی زانستی و داهێنانی زانستی
چوارەم: پرۆسەی دڵنیایی جۆری بۆ ئەوانەی نازناوی زانستیان هەیە.
پێنجەم: توانستی زمانی ئینگلیزی.
شەشەم: نمرەی تاقیکردنەوەی توانستی زانستی لە ١٥ بەسەرەوە هەژمار دەکرێ.
بۆ خوێندنی ماستەر:
یەکەم: کۆنمرەی بەکالۆریۆس واتا لە ٦٠ بەسەرەوە چەندت هەبێ ئەوەندە خاڵت
دەبێ.
دووەم: توانستی زمانی ئینگلیزی.
سێیەم: نمرەی تاقیکردنەوەی توانستی زانستی لە ١٥ بەسەرەوە هەژمار دەکرێ.
بۆ خوێندنی دبلۆمی باڵای یەک ساڵەی ئەکادیمی:
یەکەم: کۆنمرەی بەکالۆریۆس واتا لە ٥٠ بەسەرەوە چەندت هەبێ ئەوەندە خاڵت
دەبێ.
دووەم: توانستی زمانی ئینگلیزی.
سێیەم: نمرەی تاقیکردنەوەی توانستی زانستی لە ١٥ بەسەرەوە هەژمار دەکرێت.
ئەمڕۆ، وەزارەتی خوێندنی باڵای حکومەتی ماوەبەسەرچووی هەرێم رایگەیاند، لە
رۆژی یەکشەممە دەرگای پێشکەشکردنی خوێندنی باڵا بۆ بەدەستهێنانی بڕوانامەکانی دبلۆمی
باڵا و ماستەر و دکتۆرا لە زانکۆکانی هەرێم دەکرێتەوە.
ئەوەشی خستەڕوو، شەش هەزار کورسی خوێندنی باڵا بۆ بڕوانامەکانی دبلۆمی باڵا
و ماستەر و دکتۆرا دابینکراوە و ١٨٠٠ کورسی تایبەتە بە بڕوانامەی ماستەر و کورسییەکانی
دیکە تایبەتە بە بڕوانامەی دبلۆمی باڵا و دکتۆرا.