AM:10:24:07/02/2023
2604 جار خوێندراوەتەوە
بەهۆی زنجیرە بومەلەرزەکەی دوێنێوە ٢٠ زیندانیی لە یەکێک لە زیندانییەکانی سنووری سوریا و تورکیادا هەڵهاتوون، بەڵام دواتر دەستگیرکراونەتەوە.
چاوگێک لە زیندانی راجو لە سنوری سوریا و تورکیا کە نزیکەی هەزار و ٣٠٠ زیندانی تێدایە و بەشێکیان چەکداری داعش بوون؛ بەهۆی بومەلەرزەکانی دوێنێ و رووخانی بەشێک لە زیندانەکە؛ ٢٠ زیندانی هەڵهاتوون.
ئاماژەی بەوەشداوە،
بەشێک لەو زیندانیانەی هەڵهاتوون لە رابردوودا چەکداری داعش بوون و دواتریش هێزەکانی
نێو زیندانییەکە توانیویانە کۆنتڕۆڵی هەڵهاتنی زیندانییەکان بکەن.
بەرەبەیانی دوێنێ،
لە کاتژمێر ٤دا بومەلەرزەیەک بە گوڕی ٧.٧ پلەی رێختەر و بە قوڵایی ٧ کیلۆمەتر لە
تورکیادا روویدا و چەقی بومەلەرزەکە لە پارێزگای مەڕەش بوو، کە دواتر بومەلەرزەیەکی
دیکەش بە گوڕی ٧.٥ پلە روویدا و کاریگەری بومەلەرزەکان سوریا و بەشێکی رۆژئاوای
کوردستانیشی گرتەوە و لە هەرێمی کوردستانیشدا هەستی پێکرا.
ئـ.کـ
هـ.ئـ
