یەکەم: زریانەکانی ئەفغانستان

بەدرێژایی مانگی ئاب، ئەفغانستان رووبەڕووی شەپۆلێکی بارانبارینی بەخوڕ بوویەوە کە وڵاتەکە لەوەرزی بارانباریندا نەبوو، لەئەنجامی ئەمەش کارەسات درووست بوو کە بووەهۆی لانیکەم گیانلەدەستدانی ١٨٢ کەس و رۆچونی زەوی، لەگەڵ ئەوەشدا پەرپرسانی وڵات رایانگەیاند، پێش کەمتر لەدوو مانگ بومەلەرزە روویداوە و داوای هاوکاری لە کۆمەڵگەی نێودەوڵەتی کردووە.

دووەم: زریانەکانی پاکستان

لەمانگی حوزەیران هەتا تشرینی یەکەم، زریانەکانی پاکستان لەرووی بەردەوامی و درێژی ماوەکەیانەوە ژمارەی پێوانەییان تۆمارکردووە، بەگوێرەی خەمڵاندنە فەرمییەکان لە پاکستان هەزاران ماڵ و شوێنی نیشتەجێبوون زیانیان لێکەوتووە و لانیکەم ٧٣٩ کەس گیانیان لەدەستداوە و بەرپرسانی ناوخۆی وڵاتەکەش ئاماژەیان بەوەکردووە، زریانەکان لانیکەم هەتا شەش مانگ کاریگەرییان دەمێنێت و دواتر وردە وردە هێوردەبێتەوە. ئەمەش لەکاتێکدایە ژمارەیەکی زۆر لە خێزانەکان لە خێوەتگە کاتییەکاندا نزیک لە ناوچەکانی نیشتەجێبوونیان ژیان بەڕێدەکەن.

سێیەم: رۆچوونی زەوی لە بەرازیل

دوای تەنها دوو مانگ لە دەستپێکی ساڵی نویی ٢٠٢٢، لە ١٥ی شوباتدا بارانێکی بەخوڕی سێ کاتژمێری باری ئەمەش بووە هۆی درووستبوونی زیاترلە ٢٥٠ حاڵەتی رۆچوونی زەوی، ئەمەش بووەهۆی وێرانکاری بەکۆمەڵ لە شاری پترۆپۆلیسی بەرازیل. شارەکە لەسەر گردێک بنیادنراوە لانیکەم ٢٣٣ کەس بەهۆی حاڵەتەکانی رۆچوونەوە گیانیان لەدەستدا.

ئەمەش لەکاتێکدایە شاری پترۆپۆلیس دەکەوێتە ٧٠ میل لە باکوری کەناراوەکانی رۆدێجانێرۆی پایتەخت و شارێکی گەشتیاری بەناوبانگە، بەوپێیەی هاوینەهەواری ئیمپراتۆرەکانی وڵاتەکەبووە لەسەردەمانی پێشوودا.

چوارەم: زریانەکانی سیلشار لە ویلایەتی ئاسامی هیندستان

لە ١٩ی حوزایراندا لافاوێکی گەورە بەهۆی کونێکەوە لە بەنداوی روباری باراک روویدا و یەکێک بوو لەلافاوە گەورە و کوشندەکان لە مێژووی وڵاتەکەدا کە کاریگەری لەسەر ژیانی ٥.٤ ملیۆن کەس لەو شارانە هەبوو کە بەدرێژایی رێڕەوی رووبارەکە دەژیان و بەهۆیەوە ١٨٦ کەس گیانیان لەدەستدا.

هاوکات، شارۆچکەی سیلچار کە تەنها یەک کیلۆمەتر لە بەنداوەکەوە دوورە، زۆرترین زیانی بەرکەوتووە و ئێستا ٩٠٪ی شارۆچکەکە لەژێر ئاودایە.

پێنجەم: زریانەکانی نەیجیریا

زریانەکانی ئەم وڵاتە بووە هۆی گیان لەدەستدانی زیاتر لە ٦٠ کەس و ئاوارەبوونی نزیکەی ١.٣ ملیۆن کەس، زریانەکە بەیەکێک لە قورسترین زریانەکان دادەنرێت کە لەماوەی ١٠ ساڵی رابردوودا و زیانی گەورەی بەژێرخانی ئابوری وڵات گەیاند.

شەشەم: زریانەکانی باشوری ئەفریقا

لەسەرەتاکانی مانگی نیسانی رابردوودا، بارانێکی بەخوڕی زۆر لە باشوری ئەفریقا باری و شاری دیربانی گرتەوە کە سێیەم گەورەترین شاری وڵاتەکەیە لەرووی زۆری ژمارەی دانیشتوانەوە، شەپۆلە بەخورەکانی بارانەکە بووەهۆی رۆچوونی زەوی و گیان لەدەستدانی ٤٦١کەس و دوای چەند مانگێک لە زریانەکان لەئێستادا ٧٠ کەس بێسەر و شوێنن، هەزاران کەسیش بێماڵ و حاڵ ماونەتەوە.

حەوتەم: وشکەساڵی لە رۆژهەڵاتی ئەفریقا

بەپێچەوانەی بەشی خۆرئاوای وڵاتەکەوە کە زریان و لافاوی تێدا درووست بوو، بەشێکی گەورەی رۆژهەڵاتی ئەفریقا رووبەڕووی قورسترین وشکەساڵی بوویەوە کە لەماوەی ٤٠ ساڵی رابردوودا هاوشێوەی نەبووە و ژیانی ملیۆنان کەسی خستە مەترسییەوە.

بەگوێرەی داتاو زانیارییەکان بەهۆی برسێتییەوە زیاتر لە ٢٠٠ کەس لە باکوری رۆژهەڵاتی ئۆگەندا گیانیان لەدەستداوە.

هەشتەم: بومەلەرزە لە ئیندۆنیزیا

بومەلەرزەیەک بەگوڕی ٥.٦ پلە بە پێوەری رێختەر شاری سیانجوری لە خۆرئاوای ئیندۆنیزیا هەژاند و لانیکەم بوەهۆی گیانلەدەستدانی ٣٣٤ کەس.

نۆیەم:وشکەساڵی لە سۆماڵ

سەرهەڵدانی وشکەساڵییەکی توند کە لەماوەی ٤٠ ساڵی رابردوودا هاوشێوەی نەبووە و بووە هۆی درووست بوونی برسێتییەکی گەورە و پێویستبوون بە هاوکاری مرۆیی.

دەیەم: وشکەساڵی لە عێراق

شەپۆلێکی گەورەی وشکەساڵی کە لەماوەی ٩٢ ساڵی رابردوودا هاوشێوەی نەبووە رووبەرووی عێراق بوویەوە کە هەڕەشەیەکی گەورەی دروستکرد لەسەر زەوییە کشتوکاڵییەکان و بەخێوکردنی ئاژەڵ و بەرهەمی ماسی ئەوەش بەهۆی کەمی بارانبارین و بەرزی پلەکانی گەرما و دروستبوونی وشکە ساڵییەوە

یانزەیەم: سوتانی دارستانەکانی جەزائیر

لەهاوینی رابردوودا دارستانە گەورەکانی جەزائیر گڕیانگرت و بەسەدان هێکتار زەوی سووتان بەتایبەتی لەناوچە سنورییەکانی وڵات لەگەڵ تونسدا و گیان لەدەستدانی ٣٧ کەسی لێکەوتەوە و ٢٢٨ کەسی دیکەش برینداربوون و دەیان کەسیش بێسەروشوێن بوون.

دوانزەیەم: سوتانی دارستانەکانی تونس

بەهۆی بەرزی پلەکانی گەرما و وشکە ساڵییەوە پێنج هەزارو ٩٠٠ هێکتار زەوی دارستان لەتونس گڕی گرت.

سیانزەیەم: زریانەکانی وڵاتانی عەرەبی

زریانێکی لەپڕ و چاوەڕواننەکراو وڵاتی عەممانی گرتەوە و بەشێکی ژێرخانی ئابوری وڵاتەکەی لەناوبرد و زیانی بە ماڵی هاوڵاتیان گەیاند.

هاوکات، لەمانگی تەموز و ئابدا بەهۆی بارانی زۆرەوە لافاو لە ناوچە جیاوازەکانی سەنعای پایتەختی یەمەندا دروست بوو کە بووە هۆی گیان لەدەستدانی ٦٠ کەس و برینداربوونی دەیانی دیکە و وێرانبوونی سەدان شوێنی نیشتەجێبوونی هاوڵاتییان.

ئەمەش لەکاتێکدایە، لەمانگی ئەیلولدا زریان و لافاوێکی گەورە لە سودان دروستبوو لەئەنجامدا ١١٢ کەس گیانیان لەدەستدا و برینداربوون لەگەڵ وێرانبوونی هەزاران خانووی هاوڵاتییان.