ناوی هەریەک لە زارا محەمەدی و نیگار مارف و رۆزا ساڵح و روئیا پیرایی ناویان چووە نا ولیستی ١٠٠ ژنە کاریگەرەکانی جیهان کە هەریەکێکیان لە بوارێکی تایبەتدا خزمەتییان کردووە و کاریگەرییان هەبووە.
ماڵپەڕی بی بی سی بەریتانی لیستی ناوی ئەو ١٠٠ ژنەی جیهانی بڵاوکردەوە کە کاریگەرییان هەبووە و چوار لەو ژنانە کوردن.
بەگوێرەی لیستەکەی ماڵپەڕی
بی بی سی، هەریەک له "زارا محەممەدی" لە رۆژھەڵاتی کوردستان بە ھۆی خەبات بۆ
پاراستنی زمانی کوردی، "نیگار مارف" هه‌رێمی كوردستان خەبات بۆ تەندروستی
ژنان، "رۆزا ساڵح" هه‌رێمی كوردستان، وەک پەنابەر بووه‌تە ئەندامی شارەوانیی
گلاسکۆ و "روئیا پیرایی" لە رۆژھەڵاتی كوردستان خەبات بۆ ئازادی لە ئێران،
ناویان لە لیستی ١٠٠ ژنە کاریگەرەکانی جیهان تۆمار کراوە.
ئەمڕۆش، بەڕێوەبەرایەتی
گشتی تەندروستی سلێمانی راگەیەنراوێکی بڵاوکردەوە و تیایدا هاتووە، ئاژانسی بی بی
سی لیستی ئافرەتانی كاریگەری لەجیهان بۆ ساڵی ٢٠٢٢ ئاشكراكرد كە ئەو لیستە پێكهاتووە
لە ١٠٠ ژن لەسەرانسەری جیهان وەك میوزیستان و گۆرانیبێژ و هونەرمەند و وەرزشەوان و
چالاكوان و پیشەكار.
ئاماژەی بەوەشداوە، لەنێو
ئەو لیستەدا ناوی پەرستار "نیگار مارف" لەیەكەی سوتاوی لەنەخۆشخانەی
سوتاوی و نەشتەرگەری جوانكاری لەشاری سلێمانی تێدایە.
راگەیەنراوەکە ئەوەشی
خستووەتەڕوو، لە لیستی ئافرەتانی كاریگەر لەجیهاندا هاتووە، كارەكانی پەرستار
"نیگار مارف" بریتیە لە چارەسەركردنی ئەو ژنانەی خۆیان سوتاندووە و ئاگریان
لەخۆیان بەرداوە.
دەشڵێت، "نیگار
مارف" نزیكەی ٢٥ ساڵە لە نەخۆشخانەی سلێمانی بۆ سوتاوی و نەشتەرگەری جوانكاریی
لەشاری سلێمانی كاردەكات لەبواری سوتانی منداڵان و چاودێری چڕ و چارەسەری ئەو نەخۆشانە
دەكات كەتووشی سوتان بوون.
لەم لینکەوە وردەکاری زیاتر بەدەستبهێنە..