PM:04:28:24/11/2022
26140 جار خوێندراوەتەوە
بەهۆی ئەو بارانە بەخوڕەی بەیانی ئەمڕۆ لە شاری جدەی سعودییە باری لافاو دروستبوو و بووە هۆی راماڵینی ئۆتۆمبێلەکانی سەرشەقامەکان و تێکشکاندنیان.
لە گرتەیەکی ڤیدیۆییدا دەردەکەوێت لافاو لە شاری جدەی سعودییە بەهۆی بارینی بارانی بەخوڕەوە درووست بووە و ئۆتۆمبێلەکانی سەرشەقامەکان رادەماڵێت.
ئاژانسی فەرمی هەواڵی سعودییە بڵاویکردەوە، باران لە سەرتاسەری شاری جدە
باریووە و بەهۆی بەرزی ئاستی دابارینەکەوە سەرجەم خوێندنگە گشتی و تایبەتییەکان و
جێگە نێودەوڵەتییەکانیش بەهۆی شەپۆلی باران بارینەکەوە داخراون.
ئەوەش لەکاتێکدایە، لەماوەی چەند
هەفتەی رابردوودا بارانبارینی بەخوڕ بووەتەهۆی گیانلەدەستدانی ژمارەیەک کەس لە سەرتاسەری
رۆژهەڵاتی ناوەڕاست و باشوری ئاسیا.