دانیشتوانی گوندی رەشکین لە هەولێر رایانگەیاند، داوای یاساییان لەسەر پارێزگاری ئەو پارێزگایە تۆمارکرد و دەڵێن، "زەوییەکانمان چۆڵ ناکەین."
خەلیل ئیبراهیم نوێنەری دانیشتوانی گوندی رەشکین لە هەولێر لە کۆنفرانسیکی رۆژنامەنوسیدا رایگەیاند، لە دادگا داوای یاسایی لەسەر ئومێد خۆشناو پارێزگاری هەولێر تۆمار دەکەن.
باسیان لەوەشکردووە، ئاگادارییان بۆ هاتووەتەوە بەهۆی ئەوەی زەوییەکان سەرپێچی
و تەجاوزن لەماوەی مانگێکدا گوندەکەیان چۆڵبکەن و لە بەرامبەردا پارچەیەک زەویان پێدەدرێت.
وەک خۆیان دەڵێن، پارێزگاری هەولێر دەیەوێت شوێنی گوندەکەیان بکات بە پارک.
ئاماژەیان بەوەشکردووە، ئەمڕۆ نوێنەرانی دانیشتوانی گوندەکە هاتوونەتە
دادگا و بەڵگە و تاپۆکانیان هێناوە و داوای یاسایی لەسەر پارێزگاری هەولێر تۆماردەکەن.