AM:11:45:23/05/2022
13124 جار خوێندراوەتەوە
ئیدارەی سەربەخۆی گەرمیان رایگەیاند، بەهۆی کاریگەری ئەو شەپۆلە خۆڵبارینەی کە رووی لە گەرمیان کردووە و پێشبینییەکانی کەشوهەوا بۆ زیاتری شەپۆلەکە دەوامی ئەمڕۆی فەرمانبەران لە ١١:٣٠ خولەک کۆتایدێت.
ئەمڕۆ دووشەممە، ئیدارەی سەربەخۆی گەرمیان راگەیەنراوێکی بڵاوکردەوە و تیایدا ئاماژەی بەوەداوە، بۆ پاراستنی تەندروستی فەرمانبەران و هاوڵاتییان ئیدارەی گەرمیان بڕیاریدا کە ئەمڕۆ کاتژمێر ١١:٣٠ی خولەک کۆتایی بەدەوامی ئاسایی سەرجەم فەرمانبەران بهێنێت لە فەرمانگەکانی حکومەت لە سنوری ئیدارەکە.
باسی لەوەشکردووە، ئەو بڕیارە
فەرمانگەکانی تەندروستی و دەزگا خزمەتگوزارییەکان کە لە خزمەتی هاوڵاتییانی سنوورەکە
دەبن ناگرێتەوە.
هاوکات لە راگەیەندراوەکەدا
ئیدارەی گەرمیان داوا لە هاوڵاتییانی سنوری ئیدارەکە دەکات، تاکۆتایی هاتنی ئەم شەپۆلە
خۆڵبارینە،لە پێناو پاراستنی تەندروستییان بۆکاری زۆر پێویست نەبێت لە ماڵەکانیان
نەیەنە دەرەوە.
ئەمە لەکاتێکدایە، هەڤاڵ ئەبوبەکر
پارێزگاری سلێمانی لە لێدوانێکدا بۆ ئێن ئاڕ تی رایگەیاند، وەک پارێزگای سلێمانی ئەوان
پشت بە راپۆرتەکانی کەشناسی و تەندروستی سلێمانی دەبەستن و هەر کاتێک پێویست بکات
بڕیاری پێویست دەدەن، بەڵام تا ئێستا هیچ داخوازییەک بۆ راگرتنی دەوام بوونی نییە.
