سەر قەلەمەک ل دور هەلبژارتنان

3640 جار خوێندراوەتەوە

حساب نەکرن حسابەکا د دیڤدا ..

یێ حسابێ بۆ کەسێ نەکەت دڤێت حسابەکێ بخۆ بکەت، دڤێت هەر کەس و ئالیەک، هەر مرۆڤە دڤێ ژیانێدا، ب قەدەر هێزا خوە بریاران بدەت، تۆ چەند ب هێز بی دڤێت هزرا هێزا غەیری خۆ ژی بکەی، سیاسەت ب عینادێ نائێتەکرن!

مە تەڤایا قسەتا ڕێفڕاندۆمێ باش زانی و بەرهەمێ وێ ژی هەر خودان عەقلەکی ب چاڤێن خوە دیت، لێ بەلێ گرنگ ئەوە مرۆڤ سەربۆڕا ژ شاشیێن خوە وەرگریت، یێ ژ سەربۆڕێن خوە فێر نەبیت ئەو ژ هەژی ژیانێ نینە، مەزن دبێژن کەتن نە فهێتی یە،لێ بەلێ نەڕابین پشتی کەفتنێ شەرم و شەهرمزاریە، ژبەر وێ یەکێ دبێژم کەنگی یا بەر ئاقلە تەڤایا پارتێن کوردستانی لسەر بابەتەکی یەک بن و هەمی د خەلەت بن و بتنێ پارتی یا ڕاست و درۆست بیت؟.

پارتی، هندەک درۆشمان بلند دکەت، ب ئەوان درۆشمان دبیت هندەک ساویلکە و نەفام و کۆلفاما ب سەردا ببەت و وەسا تەخەکا جڤاکی تێبگەهینیت کۆ بەلێ ئەوا پارتی دبێژیت جهێ بوێریێ یە و بریارێن حەکیمانەنە، بەلێ د ئەلیف بێتکێن سیاسیدا تاوانێن زێدە مەزنن، بۆ نمۆنە پارتی چەندین ساڵە درۆشمەک یێ هەلگرتی ل بن ناڤێ (خوە نە چەمینن) د حەقیقەتدا ئەڤ درۆشمە تاوانەکا مەزنە د زانستێن لەشکەری دا، گەر بەحسا ئالیێ سیاسی بکەین ژ بۆ ئەنجامدانا ڕیفڕاندۆمێ تەڤایا دەولەتێن زلهێزێن جیهانێ و ئەقلیمی و حەتا چەندین سیاسی و ڕۆشنفکرو ڕۆژنامەڤان و ئەدیب و نڤێسەرو شارەزاێن کورد، گۆتە پارتی و بارزانی ستۆپ! لێ مەسعود بارزانی وەکۆ سەرۆکێ پارتی ب عەقلێ خۆ دکر، د ئەنجامدا 51% ژ ئاخا هەرێما کوردستانێ هاتە ژ دەست دان، د ئەزلدا دبێژن(گەر نزانی بەرێ خوە بدە جیرانی) ڕاستە ڕیفراندۆم د تۆنێلەکا تاری دا د مەشا، لێ بەرەیێ نەخێر وەکۆ چرا و ڕۆناهیێەکێ بو ژبووی ئەنجامدەرێن ڕیفڕاندۆمێ، لێ ب مخابنیڤە عینادێ و خۆ مەزن زانی و دفن بلندیێ وەنەکر بارزانی بشێت گۆهداریا گەنجەکێ وەکۆ(شاسوار عەبدولواحد)بکەت.

یا مای پترە ژ یا چووی، ل نیڤا ڕێ ژی ئینسان بزڤڕیت خراب نینە، بەلێ غرور ڕێکێ نادەت بارزانی ل پێشیا خۆ و نەتەوا کورد بنێریت، هەر ژبەر ڤێ بێ منەتی و غروریێ، چاڤ یێ ل پارتی و بارزانی تاری بووین و ڕێکا ڕاست نابینیت، گەر نە تەڤایا پارتێن کوردستانی و کەناڵێن ئۆپۆزسیۆنێ و کەناڵێ(NRT)سەر پشکا کەناڵێن ئۆپۆزسیۆنێ ڕۆژانە یا د خەبتیت پێخەمەت وێ یەکێ مللەتێ کورد و دلسۆزێن نەتەوا کورد ئاگاداری مەترسیا ئەنجام نەدانا هەلبژارتنان بکەت و ڕۆژانە یێ پەیامێن هۆشداریێ د دەنە پارتی و لسەر ڤێ مەترسیێ هایدار دکەن.

ل داویێ دێ بێژم هیڤیە 49%ـێ یا مای نەکەنە قۆربانی عینادو عەقڵێ خۆ.