سەرنووچە:

عێراقەکا بهێزا ئێک پارچە، کوردستانەکا دێموکراسی

PM:08:45:21/01/2022
2164 جار خوێندراوەتەوە
جێگر مامساڵ
+ -

چەندین ساڵان خەلکێ کوردستانێ ب هندەک دروشمێن نەتەوایەتی هاتە خاپاندن کو چ ڕاستیەک بۆ نەبووین تنێ سەردابرنا خەلکی بوو هەتا بشێن هەمی وان ڕێکان بکاربینن کو نەیاسایینە و دشێن ب دلێ خوە سامانێ سەر ئەرد و بن ئەردێ ڤی مللەتی بدۆشن و کەسەک ، لایەنەک یان ژی جیهەتەکا قانونی نەبیت کو لێپێچینی ل وان بنێپێکاریان بکەت.

ئەڤ چەندا هەنێژی بوو ئەگەرێ وێ چەندێ کو بەشەکا زۆر ژوی داهاتێ کو مافێ هەڤوەلاتیێن کوردستانێیە و ب ناڕەوایەتی ژێ هاتینە برن ، بکاربینن ژبۆی وێ چەندێ کەرب و کینێ دناڤبەرا نەتەواندا دروستبکەن و وەسا نیشانی خەلکی بدەن کو دەولەت یان ژی هەمی نەتەوێن دیێن عێراقێ دژی نەتەوا کوردن و هەردەما بۆ وان چێبیت دێ قەتلوعاما خەلکێ کوردستانێ کەن.

ئەڤەژی ب ڕێکا دامەزراندنا چەندین کەناڵان کو ل دەڤ من ب پتڕۆڕاگەیاندن دهێنەدان هاتەکرن و هەتا ڕادەیەکێ زۆر ژی سەرکەفتی بووینە ، بەلێ پا پەتێ درۆیێ یێ کورتە و ڕۆژەک دێ هێت دێ بۆ هەمی خەلکی ئاشکرابیت کو ئەڤە مەزنترین خاپاندن بوویە دژی مللەتێ خوەکری.

چاسەر چی یە؟

پێدڤیە لایەنێن سیاسی سیاسەتا خاپاندن و تاڵانکرنێ بگۆڕن ژبۆی سیاسەتەکا نوی ، ئەوژی لسەر بنەمایێ عێراقەکا بهێزا ئێکگرتی و کوردستانەکا دێموکراسی.

بۆ چی عێراقەکا ئێگکرتییا بهێز؟

دڤێت ئەم واقعبین بین و وێ ڕاستیێ ببینین کو ئەم لڤی وەلاتی دژین و ل جهێ کو ئەم دژایەتیا ڤی وەلاتی بکەین ئەم دشێین خوە ب خودانێ وی بزانین و ببینە بەشەک ل سیاسەتا وێ و شەڕێ خوەیێ سیاسی ببەینە بەغدا.

دهەمان دەمدا، دەمێ عێراقەکا ئێکگرتییا بهێز هەبیت و کورد بەشەک بیت ل داڕێژەرێ سیاسەتا وێ ، دێ هەرێمەکا کوردستانێ یا بهێز دێ هەبیت چونکی ل عێراقێ سەرەڕایێ هەمی وان تێبینیێن کو لسەر هەی بەلێ تانۆکەژی خودانێ دادگەهەکا فیدڕالییا بێ لایەنن .

ئەڤەژی دێبیتە ئەگەرێ وێ چەندێ کو بشێت لێپێچینی ل هەمی وان نەیاسایی و نەئاساییان بکەن کو هاتینەکرن و دهێنەکرن.

بڤێچەندێ ژی خودانێن هەمی بیروبۆچوونێن سیاسیێن جێواز دێ خۆ بخودانێ ڤێ هەرێمێ زانن نەک وەکی نها کو تنێ هەیی و نەییا هندەکانە.

گەلەری