PM:04:47:12/10/2022
2204 جار خوێندراوەتەوە
+
-
نەخۆشخانەیا لاباس ل باژێرێ مەدریدا ئسپانیا ڕاگەهاند،
نەشتەرگەریا چاندنا ریڤیکان بۆ زارۆکەکێ کریە کو ژیێ وێ ژ سالەکێ کێمتربوویە، دبێژیت
ژی، "ئەو نەشتەرگەرییە سەرکەفتی بوویە."
نەخۆشخانەیا لاباس ل باژێرێ مەدرید ل ئسپانیا ڕاگەهاندنەک
بەلاڤکریە و دناڤدا هاتیە، نەشتەرگەریا چاندنا ریڤیکان بۆ زارۆکەکێ کریە کو ژیێ وێ
ژ سالەکی کێمتربوویە و د نهادا رەوشا ساخلەمیا وێ زارۆکێ گەلەک باشە و ڤەگەریایە
مال.
بەحسا وێ ژی کریە، ئەو زارۆک کچە و ناڤێ وێ ئێمایە
و د ژیێ ئێک مەهیێ دا ئاریشەیا کورتیا ریڤیکێن وێ هەبوویە و بوویە سەدەمێ تێکچوونا
رەوشا جگەر و مەعیدە و پەنکریاسا وێ زارۆکێ.
ئاماژە ب وێ ژی دایە، خێزانا زارۆکەکی کو ب
سەدەمێ لاوازیا دلی ژیانا خۆ ژدەستدابوو رازیبوون ریڤیکا وی ببەخشنە وێ زارۆکێ.
ژ ئالیێ خۆڤە ژی، دایکا ئێمایێ بۆ میدیایان راگەهاندیە،
رەوشا ئێمایێ باشە و ژیانا وێ بەردەوامە.