PM:04:30:05/10/2022
2976 جار خوێندراوەتەوە
+
-
خەلاتێ نۆبل د بیاڤێ کیمیایێ
دا، دایە هەرئێک ژ زانایان کارۆلین بێرتۆزی و مۆرتن میدال و کارل شارپلێس بۆ سەرکەفتنا
وان د ڤەکۆلینا کیمایا کلیک دا.
زانا کارۆلین بێرتۆزی و
مۆرتن میدال و کارل شارپلێس د ڤەکۆلینێن خۆدا ل کیمیایا کلیک کو لقەکا کیمیاییە
گرنگیێ ب وان کارلێکان ددەن کو دناڤ سیستەمێ زیندی دا روویددەن.
هانس ئیلێگرێن سکرتێرێ
گشتیێ ئەکادیمیا شاهانەیا زانستیا سوید، ل پەیمانگەها کارۆلینسکا ل ستۆکهۆلم دەرچوویێن
خەلاتێ نۆبل بۆ کیمیایێ راگەهاند و ئەو خەلاتە دایە وان سێ زانایان.
سالا دەربازبووی ئەوخەلاتە
دایە بنیامین لیست و دەیڤید ماکمیلان ب سەدەمێ داڕشتنا ریکەکا داهێنەرانە و هەڤالێ
ژینگە بۆ دروستکرنا مۆلیکولان کو لیژنەیا نۆبل گۆت "د نهادا گەلەک مفای ب مرۆڤایەتیێ
دگەهینیت".
ئەڤەژی د دەمەکیدایە، حەفتیا
ڕاگەهاندنا بۆ دەرچوویێن خەلاتێ نۆبل رۆژا دووشەمبی دەست پێکر و زانایێ سویدی سڤانتی
پاپاو خەلاتێ نۆبل بۆ بیاڤێ نوژداری وەرگرت ب سەدەمێ ئەشکەراکرنا نهێنیێن دی ئێن ئەی
یێن نیاندەرتال کو دیتنەکا سەرەکی بۆ سیستەمێ بەرەڤانیا جەستەیی دابینکر.
هەروەسا، سوبەهی پێنجشەمبی
ئەدەبیات دێ راگەهینیت، ئەینیێ ژی خەلاتێ
نۆبلێ ئاشتیێ یێ سالا ٢٠٢٢ و ١٠ی تشرینا ئێکێ ژی خەلاتێ ئابووری دێ راگەهینن.
خەلاتێ نەختینەییێ نۆبل
بریتییە ژ نێزیکی ٩٠٠ هزار دۆلاران و ل ١٠ی کانوونا دوویێ خەلات دێ هێنە دابەشکرن.