PM:11:21:22/08/2022
2492 جار خوێندراوەتەوە
+
-
د ڤەکۆلینەکا زانستی دا هاتیە، پێدڤیە ئەو کەسێن نەخۆشیا شەکرێ هەیی ژ خارنا هندەک ژ فێقیان دویربکەڤن ب تایبەتی تری و مۆز و خورمە، ژبەرکو کوژمەکێ زێدە یێ گلوکوزی تێدایە.
فێقی ب دانێن خارنێ یێن سڤک دهێنە دانان و دناڤ دانێن سەرەکیێن رۆژێ جارەکێ بۆ دوو جار دهێتە خارن، ژبەرکو دەولەمەندن ب ڤیتامین و ماددەیێ ریشالی، کوژمەکێ کێم یێ کالۆری تێدایە، لێ دگەل ڤان مفایان ئەگەر زێدەبخۆی دێ شەکرا دناڤ خوینێدا زێدەبیت.
رۆژنامەیا دەیلی ئێکسپرێس یا بەریتانی ئاماژە ب ڤەکۆلینەکا زانایێن بەریتانی کریە و تێدا هاتیە، ئەو کەسێن نەخۆشیا شەکرێ هەی ژ جورێ ئێک و دوو خارنێن هندەک ژ فێقیان وەک تری و مۆز و خورمە مەترسیێ لسەر ژیانا وان دروست دکەت، ژبەرکو ب لەز ئاستێ گلوکۆزیا د ناڤ خوینێ دا بلند دکەت.