PM:07:33:21/08/2022
1928 جار خوێندراوەتەوە
+
-
کەشتی ڤانێن ئەسمانی دەمەکێ زۆر ژ دەرڤەی ئەردی
بسەردبەن، ئەڤەژی وان نەچاردکەت راهێنانێن وەرزشی بکەن بێ کو پارێزگاریێ ژ جەستەیێ
خۆ و ساخلەمیا خۆ بکەن، لێ ئەڤ بابەتە نەهند ب ساناهیە وەكی وێ کو ئەم لسەر ئەردی
دکەین.
لدیڤ نووچەیەکا ڕووپەلێ "سکای نیوز"
ئاماژە ب وێ هاتیە کرن، کەشتیڤانێ ئەسمانیێ ئیتالی سامانسا کریستۆفریتی، گرتە ڤیدیۆیەک
بەلاڤکریە کو دناڤدا دەرکەفتیە وەرزشێ دکەت دناڤ وێستگەها ئەسمانیا نێڤدەولەتیدا ب
بکارئینانا ئامێرێ (ARED).
سامانسا د وێ ڤیدیۆیێ دا کو ل تویتەری بەلاڤکریە
زەلالکریە، کەشتیڤان دکارن راهێنانێن وەكی سکوات یان بلندکرنا تشتێن گران ئەنجام
بدەن ب بکارئینانا ئامێرەكی کو ب ئامێرێ بەرەڤانی کارێ پێشکەفتی دهێتە بناڤکرن.
ئاماژە ب وێ ژی دا، ئەڤ راهێنانە کو پێکهاتینە ژ
بلندکرنا گرانیان هاریکاریا کەشتیڤانان دکەت ل ڤالاهیا ئەسمانی راهێنانان بکەن بۆکو
هەستیکێن وان لاواز نەبن.
ئاماژە ب وێ ژی دایە، کەشتیڤانان پێتڤی ب وێ
چەندێ هەیە رۆژانە چەند دەمژمێران راهێنانێن وەرزشی بکەن بۆکو بەرەڤانیێ ژ چڕیا هەستیکێن
خۆ بکەن.
ئەو ڤیدیۆیا کو ل تویتەری هاتیە بەلاڤکرن دەهان
هزار بینەر هەبوونە و چەندین کەسان ژی گۆتیە کو ئەڤ ڤیدیۆیە دیاردکەت کەشتیڤانێن
ئاسمانی رووبەڕووی چ ئاستەنگییەكێ دبن تا ئەرکێن زانستیێن خۆ بجھبینن.
//]]>