PM:11:01:28/07/2022
260 جار خوێندراوەتەوە
+
-
بۆ ئێکەم جار ل وەلاتێ ئیماراتێ هۆلەکا وەرزشی
و ڕاهێنانان بۆ وان سەیان هاتە ڤەکرن کو وەلاتی و ئاکنجیێن ئیماراتێ د مال دا ب
خودان دکەن.
مەنسور حەمادی خودانێ هۆلێ بۆ ئاژانسا نووچەیێن
رۆیتەرز ڕاگەهاندیە، دوو سالان بەریا نها هزرا ڤەکرنا وێ هۆلێ هەبوویە کو گرنگە بۆ
ساخلەمیا سەیان.
دبێژیت ژی، ب ڤێ یەکێ ئیمارات دێ بیتە نمونەیەکا
باش دناڤ وەلاتێن کەنداڤی هەیاکو ئەو ژی بشێن چاڤ لێ بکەن.
ئێک ژ وان کەسێن کو سەیەک هەیە بۆ ئاژانسا رۆیتەرز
ڕاگەهاندیە، د وەرزێ هاڤینێ دا ئاستەنگا وێیەکێ هەبوویە کو نزانیە سەیێ خۆ بۆ کیڤە
ببەت، ژبەر هندێ ڤەکرنا ڤێ هۆلێ هزرەکا باشە و سەرەنج ڕاکێشە.
مەشق و ڕاهێنان کرن ب سەیان دێ لدیڤ کۆمەکا رێکارێن
زانستی بیت، بۆ ئێکەم جار سەیان دئێخنە سەر ئامیرەی و ب قایشا سلامەتیێ گرێددەن و
بۆ هەیاما ١٥ خۆلەکان ڕاهێنانێ پێ دکەن و پشتڕە هێدی هێدی دەمێ ڕاهێنان پێکرنێ بۆ
زێدە دکەن ب ژبوی وێیەکێ ماسولکەیێن وان بهێز ببن و ب پاراستی و ساخلەمیەکا باش بمینن.