AM:09:46:15/05/2022
3960 جار خوێندراوەتەوە
+
-
سەرۆکێ دەستەیا گەردووناسیا سعودیە ڕاگەهاند، دووشەمبێ
١٦ی ٥ی ٢٠٢٢ هەیڤ غەیرینا تەمام ل ئەمریکایا باکور و باشور و رۆژئاڤایا ئەوروپا و پشکەکا
زۆرا ئەفریقیا روویددەت. دبێژیت ژی، "دەمژمێرەک و ٢٥ خۆلەکان دێ ڤەکێشیت و ئەڤەژی
ئێکەمجارە د ئەڤسالەدا رووی بدەت".
ماجد ئەبو زاهرە سەرۆکێ دەستەیا گەردووناسیا
سعودیە بۆ ڕووپەلێ ئەلعەرەبیە ڕاگەهاند، هەیڤ غەیرینا تەمام ل ئەمریکایا باکور و
باشور و ڕۆژئاڤایێ ئەوروپا و پشکەکا زۆرا ئەفریقا رووددەت.
ئاماژە ب وێیەکێ ژی دایە، هەیڤ غەیرین ئێک دەمژمێر
و ٢٥ خۆلەکان دێ ڤەکێشیت.
بەحسا وێیەکێ ژی کریە، هەمی بوویەرا هەیڤ
غەیرینێ ب پێنج دەمژمێر و ١٨ خۆلەکان دێ ب داوی هێت کو دەمژمێر ٦ و ٢٩ خۆلەکێ ئێڤاری
دەستپێدکەت و دەمژمێر ٤ و ١١ خۆلەک، ب دەمێ هێلا گرینج، تەمام دبیت. دبێژیت ژی، ئەو
دیاردە ل وان دەڤەران دێ هێتە دیتن کو ل دەمێ هەیڤ غەیرینێ دا شەڤ بیت.
ئاشکەراژی کریە، ل سعودیە ئەو دیاردەیە ب هەیڤ
غەیرینا نیڤێ ل دەمژمێر پێنجێ سپێدی ب دەمێ باژێڕێ مەکەهێ دهێتە دیتن و دەمێ ١٣ خۆلەکان
دێ ڤەکێشیت.
دیاردەیا هەیڤ غەیرینێ دیارەدەیەکا گەردوونییە
و ل وی دەمی روددەت کو رێڕەوا زەڤیێ دچیتە د ناڤبەرا ڕۆژ و هەیڤێ دا.