سەرنووچە:

ئینستاگرام و یوتیوبی ژبەر شەڕێ ئۆکرانیا ئەڤ پێنگاڤە گرتەبەر

AM:11:29:12/03/2022

1540 جار خوێندراوەتەوە

+ -

سەرۆکێ ئەپڵیکەیشنا ئینستاگرامێ ئەمریکی بۆ هەڤبەشکرنا ڤیدیۆ و فۆتۆیان ڕاگەهاند، پێگەهێ وان ل رۆژا دووشەمبیا بهێت ل روسیا دێ ژکار کەڤیت. ژ ئالیێ خۆڤەژی یوتیوبی بەلاڤکر، دێ کارێ کەناڵێن سەر ب حکومەتا روسیاڤە سنوردار کەین و سەدەمێ وێ ژی بۆ بەلاڤکرنا توندوتیژیێ ڤەگەڕاندیە.

ئادەم موسێری ڕێڤەبەرێ ئەپڵیکەیشنا ئینستاگرامی بەحسا وێیەکێ ژی کریە، جێبەجێکرنا وان پێنگاڤان دێ وەکەت ٨٠ ملیۆن کەس ژ بکارئینانا خزمەتگوزاریا ئینستاگرامی بێ پشک ببن کو زێدەتر ژ ٨٠٪ی خەڵکێ روسیا خودانێن هەژمارا ئینستاگرامێ نە.

ژ ئالیێ خۆ ڤەژی، پێگەهێ فەرمیێ یوتیوبی ژی ڕاگەهاند، گەلەک ژوان کەسێن سەر ب حکومەتا روسیانە کارکرنا کەنالێن وان ل یوتیوبی ڕاگرتیە ژبەر بەلاڤکرنا دیمەنێن توندوتیژیێ و هێرشێن سوپایێ روسیا بۆ سەر ئۆکرانیا.

ئەڤەژی د دەمەکیدایە، ڕۆژا ئەینی داخازکەرێ گشتیێ روسیا داخاز ژ دادگەها ولاتێ خۆ کر، کۆمپانیا میتا کو خودانیا هەردوو پێگەهێن فەیسبووک و ئینستاگرام دکەت ب ئێخنە لیستا وان پێگەهێن بکارئینانێ زەرەر هەیە و مەترسیدارن دناڤ ئاخا روسیادا، ئەڤەژی وەکی کارڤەدانەک بوو کو ل ڕێکا هەردوو بەرنامان داخویانیێن توندوتیژێن خەڵکی لهەمبەر هێزێن روسیا و خەڵکێ روسیا بەلاڤدکەن.

گەلەری