PM:03:11:12/07/2021
50296 جار خوێندراوەتەوە
+
-
کەسوکارێن گەنجەکێ دەستەسەرکریێ دهۆکێ بۆ ئێن ئاڕ تی ڕاگەهاند، کو ئەڤڕۆ
کوڕێ وان د زینداندانەکا دهۆکێ دا ژیانا خۆ ژدەست دایە و دبێژن، گومان ژ مردنا وى هەیە.
کەسوکارێن وى گەنجى بو
ئێن ئاڕ تی ڕاگەهاند، کو کوڕێ وان ژیێ وى ٣٥ سالە و ب تۆهمەتا بکارئینانا ماددەیێن
بێ هۆشبەر دەستەسەرکریە، دبێژن، "لێ کورێ مە نەخۆشە و شیانێن بکارئینانا وان
جۆرە ماددا نینە."
دیار ژى کر، کو کورێ وان دەما
حەفت رۆژە د ئاسایشێ دا زیندانکریە و د زیندانێ دا نەشتەرگەری یا سینگی ب بێ
ئاگاداری یا کەسوکارێن وى بۆ کریە.
ب گوتنا کەس و کارێن وى،
ئەو گەنج بڕیار بوو ئەڤڕۆ ب کەفالەت ئازادبکەن، لێ نووچەیێ ژیان ژدەستدانا وى
گەهشتیەمە.
بەحسا وێیەکێ ژى کر، کو
ئامادە نین تەرمێ وى ڤەشێرین هەیاکو زەلاکرنەک تەمام لسەر وێ بوویەرێ نەدەن.
بۆ وێ مەرەمێ ژى ئێن ئاڕ تی پەیوەندی ب ئاسایشا دهۆکێ کر، لێ چ ئالیەکێ
ئەولەهیێ ب فەرمى داخۆیانى نەدا.
تائیف گۆران، دهۆک
د.ش