حکومەتا عێراقێ دەربارێ پشکا هەرێمێ بڕیارەک دا

PM:04:54:28/01/2022

2288 جار خوێندراوەتەوە

+ -

جڤاتا وەزیرێن عێراقێ ڕاگەهاند، پێتڤیە حکومەتا هەرێمێ هەیا مەها ئادارا بهێت هەمێ حساباتێن داویێ دگەل بەغدا پاقژ بکەت. دبێژیت ژی، "ئەگەر حکومەتا هەرێمێ پابەند نەبیت ل وی دەمی بەغدا وان ٢٠٠ ملیار دیناران نا شینیت".

ئەڤرۆ ئەینی، لدویڤ نڤیسارەکا فەرمی کو ئیمزایا حەمید نەعیم غەزی ئەمیندارێ گشتیێ جڤاتا وەزیرێن عێراقێ لسەرە، پێتڤیە حکومەتا هەرێمێ هەیا مەها ئادارا بهێت هەمێ حساباتێن داویێ دگەل بەغدا پاقژ بکەت. دبێژیت ژی، "ئەگەر حکومەتا هەرێمێ پابەند نەبیت ل وی دەمی بەغدا وان ٢٠٠ ملیار دیناران نا شینیت".

وێ نڤیسارێ ئاماژە ب وێ چەندێ دایە، لدویڤ بڕیارا ژمارە ٨ یا جڤاتا وەزیرێن عێراقێ ل ساڵا ٢٠٢٢ ێ، لسەر پێشنیارەکا بلەز یا وەزیرێ دەرڤە یێ عێراقێ د جڤینا جڤاتا وەزیرێن عێراقێ دا ل ١١-١-٢٠٢٢ێ، بڕیاردا وەزارەتا داراییا عێراقێبڕێ ٢٠٠ ملیار دیناران بۆ مووچەیێ فەرمانبەرێن ھەرێما کوردستانێ بۆ مەها کانونا دووێ یا ٢٠٢١ ێ خەرج بکەت.

دەربارێ شاندنا ٢٠٠ ملیار دینارێن مەهانە ژی بۆھەرێما کوردستانێ، ئەو نڤیسارە هایداریێ ددەتە حکومەتا ھەرێما کوردستانێ و ئاشکەرا کریە، پێتڤیە حکومەتا ھەرێمێ هەیا مەها ئادارا بهێت هەمێ حساباتێن داویێ دگەل بەغدا پاقژ بکەت ، بەروڤاژی بەغدا وان ٢٠٠ ملیار دیناران ناشینیت.

نڤیسارێ ئاماژە ب وێیەکێ ژی دایە، ب ھەماھەنگی دگەل دیوانا چاڤدێریا داراییا ھەرێمێ، دیوانا چاڤدێریا دارایی و هووربینیا عێراقێ داتایێن تایبەت ب داهاتێن دەستکەفتیێن نەپەترۆلی هووربینی تێدا بهێتەکرن و بۆ ڤێ چەندێ ژی ل جهێ وێ ل ١ی ١٢ی ٢٠٢١ هاتبا ئەنجامدان ل ١ی ٣ی ٢٠٢٢ دێ هێتە ئەنجامدان.

پێشتر ژی ئاوات جەناب، وەزیرێ دارایی و ئابوریێ حکومەتا ھەرێمێ د پەیامەکێدا دا داخاز ژهەمی وەزارەت و فەرمانگەهێن نەگرێدای ب بە وەزارەت و فەرمانگەهێن مەلبەندان کربوو هەیا ڕۆژا ١ی٢ی٢٠٢٢ تەرازویا پێداچوونا ٣١ی ١٢ی ٢٠٢٢بشیننە گەنجینەیان، بەروڤاژی ژی ھەر فەرمانگەهەک پاشبکەڤیت پێشینەیا مەهانە دێ لێ هێتە بڕین.

ئەڤەژی ددەمەکیدایە، ل ٣١ێ ئادارا ٢٠٢١ ێ دا بودجەیێ عێراقێ هاتە پەسەندکرن، پشکا ھەرێمێ د بودجەیدا ب ١٢.٦٧٪ دیارکریە، دهەمبەردا، حکومەتا ھەرێمێ پابەندکریە ب رادەستکرنا ٢٥٠ ھزار بەرمیلێن پەترۆلا ڕۆژانە ب بهایێ سۆمۆ دگەل ڕادەستکرنا نیڤا داھاتێ خالێن سنوری.

ھەروەسا، ب ئارمانجا دابینکرنا مووچەیێ فەرمانبەرێن ھەرێمێ حکومەتا عێراقێ بڕیاردا مەهانە بڕێ ٢٠٠ ملیار دیناران بشینیتە ھەرێما کوردستانێ، حکومەتا ھەرێمێ ژی دبێژیت، وی پارەی دگەل داھاتێ پەترۆلێ و ناڤخۆ و دەروازە یێن سنوری بۆ مووچەی بکاردئینیت.