PM:09:31:08/12/2021
520 جار خوێندراوەتەوە
+
-
پشتی هەلدانا چەندین گۆڕێن ب کۆم ل شنگالێ و گوندێن دەوروبەر و هنارتنا رۆفاتان بۆ پشکنینا دی ئێن ئەی ل بەغدا، ناسنامەیێن ٤١ رۆفاتێنن دی ئەشکەرا بوویە و بڕیارە سوبەهی ل گوندێ کۆچۆ بهێنە ڤەشارتن.
نووچەگەهانێ ئێن ئاڕ تی ل شنگالێ ڕاگەهاند، سوبەهی دێ ل گوندێ کۆچۆ ٤١ رۆفاتێن دی کۆ ناسنامەیا وانا هاتیە ئەشکەراکرن، ب رێورەسم هێنە ڤەشارتن.
ئاماژە ب وێیەکێ ژی کر، ل ناڤەڕاستا سالا دەربازبووی ل گوندێ کۆچۆ ١٠٤ رۆفاتێن دی هاتبوونە ڤەشارتن، ژ کۆما ٣٦٠ رۆفاتێن ژ ٢٤ گۆڕێن ب کۆم هاتینە دەرئێخستن.
نەزیر شنگالی بەحسا وێیەکێ ژی کر، دێ خەلکەکێ زێدە ل وی جهی ئامادە بیت، ژ بەرپرسێن حکومیێن کوردستان و عێراقێ و نوینەرێن نەتەوەیێن هەڤگرتی.
هەیا نها ل شنگالێ هژمارا گۆڕێن بکۆم گەهشتیە ٩٠ گۆڕان یێن کۆ هاتینە دیتن، ٢٤ گۆڕ هاتینە هەلدان، ژ کۆما وان رۆفاتێن بۆ بەغدا هاتینە هنارتن ناسنامەیێن ١٤٥ رۆفاتان هاتینە ئەشکەراکرن، د گەڕا ئێکێ دا ١٠٤ رۆفات هاتبوونە ڤەشارتن و بڕیارە سوبەهی ٤١ رۆفاتێن دی ژی ل گوندێ کۆچۆ ب رێورەسم بهێنە ڤەشارتن.
ئەڤە ددەمەکیدایە، پشتی ل سالا ٢٠١٤ێ ژ کۆما ٦٤١٧ وەلاتیێن ئێزدی کو هاتینە رەڤاندن ١٢٩٣ وەلاتی ژ وانا هاتبوونە کۆمکوژیکرن د گۆڕێن ب کۆم دا، هەیا نها بتنێ ٣٦٠ رۆفا ژ ٢٤ گۆڕان هاتینە دەرئێخستن و ناسنامەیێن ١٤٥ وەلاتیان هاتینە ئەشکەراکرن.