PM:06:17:08/12/2021
1208 جار خوێندراوەتەوە
+
-
سعودی وی نووچەی رەتدکەت کو بەحس ل وێیەکێ دکەت تۆهمەتبارەکێ دۆسیا کوشتنا جەمال خاشقجی ل بالەفڕخانەیا پاریس دەستبسەرکربیت.
بالیۆزخانەیا سعودیێ ل فەڕەنسا ڕاگەهاندنەک ل تۆڕا جڤاکیا تویتەری بەلاڤکریە و تێدا هاتیە، ئەو وەلاتیێ سعودیێ ل بالەفڕخانەیا پاریس دەستەسەرکری، چ پەیوەندی ب دۆسیا خاشقجی ڤە نەبوو.
د ڕاگەهاندنێ دا بەحسا وێیەکێ ژیکریە، دەملدەست داخازا ئازادکرنا وەلاتیێ دەستەسەرکری کریە و تێدا هاتیە، "هەمی ئەو کەسێن ل دۆسیا جەمال خاشقجی تێکەفتینە ژ ئالیێ دەستهەلاتا دادوەریا سعودیێ هاتینە سزادان".
شەڤا دەربازبووی، ڕاگەهاندنا فەڕەنسا ب پشتگرێدان ب چەند ژێدەرەکێن ئەولەکاری، نووچەیێ وێیەکێ بەلاڤکریە کو تۆهمەتبارەکێ دۆسیا کوشتنا جەمال خاشقجی ل بالەفڕخانەیا پاریس دەستەسەرکریە.
جەمال خاشقجی، رۆژنامەڤانەکێ ئۆپۆزسیۆنا سعودیێ بوو کو ب رەخنەگرتنێ ل جهنشینا وی وەلاتی، شاهزادە محەمەد بن سەلمان ناڤدارەبوو، رۆژا ٢ی تشرینا ئێکێ یا سالا ٢٠١٨ ل باژێرێ ئستانبولێ سەرەدانا کۆنسلخانەیا سعودیێ کر ل ناڤ ئاڤاهیێ کۆنسلخانەیێ هاتە کوشتن.
