سەرنووچە:

شێورمەندێ نویێ ئەلمانیا هاتە هەلبژارتن

PM:03:16:08/12/2021

964 جار خوێندراوەتەوە

+ -

پشتی چەند حەفتیان ژ گۆتۆبێژ و دانوستاندنان، پەرلەمانێ ئەلمانیا "بوندێستاگ" ئۆلاف شولتسی وەکی شێورمەندێ ئەلمانیا هەلبژارت، ئێکەم جارەژی کو حکومەتا ئەلمانیا ژ هەر ئێک ژ پارتێن سۆشیال لیبڕال و پارتا کەسکا ئەلمانیا دهێتە پێکئینان.

ئەڤرۆ چارشەمبێ، پەرلەمانێ ئەلمانیا ب زۆرینەیا دەنگان ئۆلاف شۆلتسی ژ حزبا سۆشیال دیموکراتا ئەلمانیا وەکی شێورمەندێ وی وەلاتی هەلبژارت و دێ چیتە جهێ ئەنگێلا مێرکل.

ئۆلاف شولتسی دێ بیتە حەفتەم شێورمەندێ کۆمارا ئەلمانیا و چارەم شێورمەندە ژ پارتا سۆشیال دیموکراتا ئەلمانیا، ژبلی ڤێ ژی حکومەتا نها دێ بیتە حکومەتا هەڤبەشا نشتیمانی کو هەر ئێک ژ پارتا کەسک و لیبڕال مل ب ملێ پارتا سۆشیال دیموکرات، دێ حکومەتا هەڤپەیمانی پێکئینیت د مێژوویا نویا ئەلمانیا دا.

ئەلمانیا حەفتەم مەزنترین وەلاتێ ئەورۆپایە و دکەڤیتە ناڤەندا وی کێشوەری، ل باکور دگەل دانیمارکێ یە، ژ رۆژئاڤای ڤە ژی دگەل پۆلەندا و کۆمارا چیکە، ژ باشورێ رۆژهەلاتێ ژی دگەل نەمسا هەڤسنورە، ژ روویێ ژمارا ئانکنجیان ژی ڤە پشتی رووسیا دهێت کو دووم مەزنترین وەلاتە.

بەرلین پایتەختێ ئەلمانیایە، ژمارا ئاکننجیێن وێ ٨٣ ملیۆن و ٢٤ هزار کەسن ل گۆرەی ئارمارێن سالا ٢٠٢٠ێ، رووبەرێ وێ ژی ٣٥٧ هزار و ٢٢ کێلۆمەترێن چار گۆشەیە و دراڤێ فەرمیێ وی وەلاتی ژی یۆرۆیە.

گەلەری