PM:02:14:08/12/2021
2128 جار خوێندراوەتەوە
+
-
ئەو هێزا هەڤبەشا
پێشمەرگەی و سوپایێ عێراقێ ل مەها تشرینا دوێ ژ ئالیێ سەرۆکوەزیرێن عێراقێ ڤە بڕیارا پێکئینانا وێ هاتیەدان بۆ پاراستنا
ئەولەهیا دەڤەرێن ئاریشە لسەر، دگەهنە هەشت هزار ئەندامان.
عەبدو لئەمیر شمری
جێگرێ فەرماندێ ئوپەراسیونێن هەڤبەش د کۆنفراسەکا ڕۆژنامەڤانیدا ڕاگەهاند، جڤینا
دناڤبەرا سوپایێ عێراقێ و پێشمەرگەی پشتی زنجیرەکا جڤینێن وەرزیێن دناڤبەرا هەردو
ئالیان دا هاتە ئەنجامدان.
دبێژیت ژی، د دەما
دەربازبوی دا چەند ناڤەندێن هەماهنگیێن هەڤبەش ل دیالا و کەرکوک و مەخمور و
ڕۆژئاڤایێ موسل هاتنە ڤەکرن، هەروەسا دوو ناڤەندێن سەرەکی ژی ل بەغدا و هەولێرێ
ڤەکرن و ڤان ناڤەندان ب ئاوایەکێ کرداری دەست بکارێن خۆ کرینە.
ئاماژە ب وێ ژی
دا، د جڤینێ دا دەستهەلات دایە هەردوو ئالیان بۆ هاریکاریکرن و هەماهنگی کرن و
جێبەجێکرنا ئۆپەراسیۆنان ل ڕێیا دەزگەهێ دژەتیرۆر و هێزا تایبەت و سوپایێ عێراقێ و
دەستەبژێرەیەکی ژ هێزێن پێشمەرگەی.
ئەو یەک ژی دا
دیارکرن، بڕیارە دوو هێزێن هەڤبەش بۆ بهێزکرنا ئەولەهیا وان دەڤەرێن کو بۆ پێشمەرگەی
و سوپای د گرنگن بهێنە پێکئینان.
دەمێ زێدەتر ژ حەفتیەکێیە، چەکدارێن داعش هێرشێن خۆ بۆ سەر سەنگەرێن پێشمەرگەی
زێدەکرینە و ب وی سەدەمی ٢٢ پێشمەرگە و سێ وەلاتی شەهیدبوون.