سەرنووچە:

زانیاریێن نوی لسەر مووچەی هاتن

PM:11:47:01/12/2021

4096 جار خوێندراوەتەوە

+ -

ژێدەرەکی ژ وەزارەتا داراییا هەرێمێ ڕاگەهاند، بڕیارە ل ناڤەڕاستا حەفتیا بهێت حکومەتا عێراقێ ٢٠٠ ملیار دیناران بهێنریت بۆ هەرێمێ.

وی ژێدەری ڕاگەهاند، ب گەهشتنا ٢٠٠ ملیاران دێ مووچەیێ تەڤایا وەزارەتان هێتە پارڤەکرن.

د مەها تەمموزێدا، هنارتنا ٢٠٠ ملیار دیناران بۆ هەرێمێ، ژ ئالیێ مستەفا کازمی سەرۆکوەزیرێن عێراقێ بڕیار لسەر هاتە دان، کو وەک سولفەیەکا مەهانە بۆ هەرێمێ بهنێریت و وەک مووچە ب هەڤئاوایێ داهاتێن وەزارەتا دارایی بسەر مووچەخۆراندا بهێتە پارڤەکرن.

ژێدەری ئاماژە ب وێیەکێ ژی کر، رۆژا پێنجشەمبی و ئێکشەمبیا حەفتیا بهێت مووچەیێ مەها تشرینا دووێ یێ وەزارەتا پەروەردە دێ هێتە پارڤەکرن.

رۆژا ٢٥ی مەهێ، وەزارەتا ساخلەمیێ وەک ئێکەم وەزارەت، مووچەیێ مەها تشرینا دووێ ب هەمان میکانزمێن بەریا نها و بێ بڕین وەرگرت و پشترا، مووچەیێ دیوانا وەزارەتا پێشمەرگەی و لیوایێن ٧٠ و ٨٠ و وەزارەتا دارایی و وەزارەتا ناڤخۆ و ڕێڤەبەریا گشتیا رەگەزنامێ هاتە پارڤەکرن.

هەڤدەم، ئەڤرۆ چاشەمبی، مووچەیێ هەر ئێک ژ وەزارەتێن کاروبارێن شەهیدان و ئەنفالکریان و لیوایێن پەتڕۆل و گازێ و فەرماندەیێن زێرەڤانی هاتە پارڤەکرن.

ئەڤە ژی ددەمەکیدایە، داهاتێ پەتڕۆلا فرۆتی ب بۆریان ترلیۆنەک و ٢٠٠ ملیار دینارن و کۆما داهاتێ ناڤخۆژی زێدەترە ژ ٥٠٠ ملیار دیناران دگەل هەڤکاریێن مەهانە یێن هەڤپەیمانان ٢٨ ملیار دینارن، لێ چاڤێ حکومەتێ بۆ پارڤەکرنا مووچەی ل ٢٠٠ ملیارێن بەغدایە.

گەلەری