PM:10:36:01/12/2021
960 جار خوێندراوەتەوە
+
-
قائیمقامیا قەزا زاخۆ زەلالکرنەک بەلاڤکر لدور گرانیا بهایێ ئەمپێرێ موەلیدەیان ل ئیدارەیا زاخۆ و تێدا هاتیە بسەدەمێ سەخبێرکرنا ویستگەها تلکەبەرێ ب نەچاری کارەبا گشتی د هاتە بڕین و دەمێ کارەبا موەلیدەیان زێدەبوویە.
دەقێ زەلالکرنێ:
رونكرنەك لدور بهايێ كارەبا
موەليدا ل سنورێ ئيدارا سەربەخو يا زاخو ژبەر كو دڤێ هەيڤێ دا كار لسەر پێش ئێخستنا
وێستگەها تلكەبەرێ ل زاخو دهاتە كرن ب نەچارى ڤە كارەبا گشتى ل دەڤەرێ هاتە قوتكرن
بو هندێ تيمێت تەكنيكى كار لسەر هێلا ١٣٢kv بكەن ژبەر هندێ دەم ژمێريت كارەبا موەليدا زێدەبون كو نێزيكى ١٠ دەمژمێرێت كارى بون بەراورد دگەل
قەزا دهوك هەیڤا چوى ل زاخو ٢٨٢ دەم ژمێرێت كارەبا موەليدا هاتيە دان و ل قەزا
دهوكێ ٢٤٠ دەم ژمێر كارەبا موەليدا هاتيە دان ئەو جياوازيا بهايێ ئەمپێری بوڤێ چەندێ
دزڤريت . و بو زانين ل هەيڤێت بورى بهايێ ئەمپێرێت دەڤەرا زاخو ژ هەمى پاريزگەها
دهوكێ كێمتر بو ژبەركو كارەبا گشتى ل دەڤەرا زاخو پتر هەبو . ب هاولاتيێت خويێن
خوشتڤى رادگەهينين ژڤێ هەيڤێ پێڤە ليژنا موەليدا لسەر ئاستێ ئيدارا سەربەخويا زاخو
و ب سەروكاتيا قايمقامێ زاخو وئەندامەتيا لايەنێن پەيوەنديدار و نوينەرێ رێكخراوێن
مەدەنى و نوينەرێ راگەهاندنێ و چالاكڤانا و داواكارێ گشتى دێ ئێتە پێك ئينان و
بهايێ ئەمپێرا ل ديڤ رەوشا كارەبا ئيدارا سەربەخو يا زاخو و بهايێ سوتەمەنيێ دێ ئێتە
دانان دگەل رێزگرتنێ.
ئەڤە ددەمەکیدایە ئەڤرۆ
چارشەمبی، پەیڤدارێ خۆدانێت موەلیدەیان ڕاگەهاند، ل پارێزگەها دهۆکێ بهایێ ئێک
ئەمپێرێ کارەبا موەلیدەیان ل پارێزگەها دهۆکێ دناڤبەرا ١١ هزار و ٧٥٠ دینار بۆ
زێدەتری ١٣ هزار دینارانە، گوتژی ل ئیدارەیا سەربەخۆیا زاخۆ ژی ١٣ هزار و ٥٠٠ دینارن.