PM:07:17:01/12/2021
1488 جار خوێندراوەتەوە
+
-
بەریا دەمەکێ کێم ل قەزایا باتیفا ھێزێن
ئەولەکاریێ چوونە سەر رێیا چالاکڤانێ دیار "خورشید فەرەج"ی و دەستەسەر کر،
و هەیا نها چارەنڤیسێ وی دیار نینە.
کەس و کارێن چالاکڤان
خورشید فەرەجی بۆ ئێن ئاڕ تی ڕاگەهاند، ئەوی چ ئاریشەیەکا یاسایی نینە، و ب تنێ
ئاریشەیا وی ژبەرکو خورشید کەسەکێ ئازادە، ھەمی دەمان دەنگێ ئازادیێ دگەھینت.
کەس و کارێن وی چالاکڤانی
بەحسا وێیەکێ ژی کرن، خورشید د دەما ڤەگەڕیانا وی بۆ مالێ ھاتییە دەستەسەرکرن و
ئەم نزانین ئەگەرا وێ چییە، نوکە ئەم یێ دیڤداچوونێ لسەر دکەین دا بزانین ئاریشە
چییە.
ژێدەرەکێ ب کەس و کارێن
وی راگەھاندیە، خورشید ژ بەر نەدانا باجا یاریگەھا خۆ یا تەپا پێی ھاتیە گرتن، لێ
کەس و کارێن وی دبێژن، ئەگەر ژبەر نەدانا باجێ ژی بیت، "کەس ب شەڤ ناھێت
بگریت و دێ د دەما دەواما فەرمیدا ھێت".
ئەڤە ددەمەکدایە، ب دەهان چالاکڤان و
رۆژنالمەڤانێن دەرڤەرا بەهدینان هاتینە دەستەسەرکرن ب تۆهمەتێن جودا، هەیا نها
دادگەهکرنا پتریا وانا نەهاتیە کرن، بەریا چەند رۆژان ژی دوو تبلێن ئێک چالاکڤانێن
دەستەسەرکریێن دی یێ دەڤەرا بەهدینان هاتینە شکاندن کو وی چالاکڤانی وەکو هێمایێ
ئازادیێ بلندکربوون.