سەرنووچە:

ئەڤرۆ و سوبەهی مووچێ ڤان جهان دێ هێتە پارڤەکرن

AM:10:16:01/12/2021

4692 جار خوێندراوەتەوە

+ -

بڕیارە ئەڤرۆ چارشەمبی مووچێ مەها تشرینا دوویێ یێ وەزارەتێن کاروبارێن شەهید و ئەنفالکریان و کەسوکارێن شەهیدان و لیوایا پەترۆل و گازێ و فەرماندێ زێرەڤانیێ بهێتە پارڤەکرن، سوبەهی پێنجشەمبیێ ژی مووچێ وەزارەتا پەروەردێ بهێتە پارڤەکرن.

ژێدەرەکی ژ وەزارەتا دارایی و ئابوریا هەرێمێ بۆ ئێن ئاڕ تی ڕاگەهاند، سوباهی پێنجشەمبێ مووچێ وەزارەتا پەروەردێ دێ هێتە پارڤەکرن.

ڕۆژا ٢٥ ێ مەهێ ژی، وەزارەتا ساخلەمی وەک ئێکەم وەزارەت، مووچێ مەها تشرینا دووێ یا ئەڤسالە ب هەمان میکانزمێ بەرێ و بێ لێبڕین وەرگرت، لێ هەیا نها وەزارەتا دارایی هێشتا لیستا مووچێ هەمی وەزارەتان بەلاڤ نەکرینە.

دەربارێ ٢٠٠ ملیاران ژی، دمەها دەربازبویدا، پەرلەمانتارەکێ بەرێ یێ عێراقی بۆ ئێن ئاڕ تی ڕاگەهاند، کو ب ئەگەرەکێ زۆرڤە دبیت عێراق یا پابەند بیت ب شاندنا ٢٠٠ ملیار دینارێن مەهانە یێن هەرێمی هەتاکو حکومەتا نوی بهێتە پێک ئینان.

گەلەری