PM:04:51:09/10/2025
252 جار خوێندراوەتەوە
+
-
عێراق پێشوازیێ ل بزاڤێن
دەڤەرێ و نیڤدەولەتی دکەت کو بووینە ئەگەرێ رێککەفتنا ئاشتیێ ل غەززە، داخازێ ژی
دکەت مافێن ڕەوایێن گەلێ فەلەستین و گەهشتن ب خاستێن وان بۆ بهێتە دەستەبەرکرن.
ئەڤرۆ پێنجشەمبی،
وەزارەتا دەرڤەیا عێراقێ دەربارەی رێککەفتنا ئاشتیێ ل غەززە راگەهاندنەک بەلاڤکر و
دبێژیت، عێراق پێشوازیێ ل بزاڤێن دەڤەرێ و نیڤدەولەتی دکەت کو بووینە ئەگەرێ
رێککەفتنا ئاشتیێ ل غەززە.
ئاماژە ب وێ یەکێ ژیکر،
پشتەڤانیا خۆ بۆ وان بزاڤان ب ئارمانجا کێمکرنا ئێش و ئازارێن خەلکێ سڤیل و
دروستکرنا سەقامگیریێ دووپات دکەین، هەروەسا ماڤێن ڕەوایێن گەلێ فەلەستین و گەهشتن
ب خاستا وان بۆ دامەزراندنا دەولەتا فەلەستین دەستەبەر دکەت.
د وێ راگەهاندنێ دا تەکەز
کریە، پێدڤیە ئاگربەستا بلەز و داوی ئینان ب شەڕی و گەهاندنا هەڤکاریێن مرۆڤی بێ
ئاریشە بۆ وان کەسان کو زیان پێ کەفتی بهێتەکرن، ئەڤەژی دێ بیتە ئەگەرێ دروستکرنا
سەقایەکێ مرۆڤی بۆ گەهشتن ب ئاسایش و سەقامگیریێ د دەڤەرێ دا.
ئەڤەژی پشتی وێ یەکێ
دهێت دۆهی دۆنالد ترەمپ راگەهاند، ئیسرائیل و حەماس لسەر قۆناغا ئێکێ یا رێککەفتنا
پێشنیازکریا غەززە رێککەفتینە، کو ئازادکرنا هەمی دیلێن ئیسرائیل و ڤەکێشانا هێزێن
ئیسرائیلێ تا جهێ دیارکری و راگرتنا شەڕی ب خۆڤە دگریت.