AM:10:19:09/10/2025
124 جار خوێندراوەتەوە
+
-
ل دەمەکی حکومەتا
دەم بسەرڤەچووی دبێژیت رێکەفتنا پەتڕۆلێ دەمکیە و بتنێ بۆ سێ هەیڤانە و بەری
هەلبژارتنێ، وەزیرێ سامانێن سروشتی یێ هەرێمێ دبێژیت، ب بەردەوام بوونا رادەستکرنا
پەتڕۆلێ ئاریشە بۆ مووچەی دروست نابیت و دبێژیت ژی، تا نها ژی زێدەتری دوو ملیۆن
بەرمیلێن پەتڕۆلا هەرێمێ رادەستی بەندەرێ جەیهانێ تورکی کرینە.
ئەڤرۆ پێنجشەمبی،
کەمال محەمەد، وەزیرێ سامانێن سروشتی ب میدیایێن پارتی گوت، تا نها زێدەتری دوو
ملیۆن و ١٠٠ هزار بەمیل رادەستێ بەندەرێ جەیهان کرینە، ب ئاوایەکی ل ١١ رۆژێن
دەربازبووی ، رۆژانە نێزیکی ١٩٠ هزار بەرمیل رادەستی کۆمپانیا سۆمۆ کرینە.
بەحسا وێ
یەکێ ژی کر، ئاریشە دناڤبەرا هەریمێ و بەغدا پەتڕۆل بوو، ب رادەستکرنا پەتڕۆلێ
ئاریشە بۆ مووچەی دروست نابیت.
گوت ژی، د
ڤان رۆژان دا دێ دەست ب دابەشکرنا پەتڕۆلێ کەن ل دەڤەرێن چیایی.
ئەڤەژی د
دەمەکی دایە، حکومەتا دەم بسەرڤەچووی د راگەهاندنەکێ دا راگەهاند بوو، رێکەفتنا
پەترۆلێ بتنێ بۆ سێ هەڤانە و بەری هەلبژارتنا پەرلەمانێ عێراقێ، ب ڤێژی پشتی
هەلبژارتنێ رەوشا مووچەی دێ خرابتر بیت.