AM:10:13:21/09/2025
160 جار خوێندراوەتەوە
+
-
ب پشکداربوونا زێدەتر ژ ١٣٩ هزار قوتابیێن نوی یێن پۆلا ئێکێ، ئەڤرۆ
زەنگا سالا نوی یا خاندنێ یا ٢٠٢٥ - ٢٠٢٦ ل هەمی قوتابخانەیێن حکومیێن هەرێمێ و
کەرکوکێ هاتە لێدان.
ئەڤرۆ ئێکشەمبی، رێورەسمێن دەستپێکرنا ئێکەم رۆژا سالا نوی یا خاندنێ ل
هەمی قوتابخانەیێن حکومیێن هەرێمێ و کەرکوکێ دەستپێکر و لدویف زانیاریان، ئەڤ سالە
١٣٩ هزار قوتابیێن پۆلا ئیکێ هاتینە تۆمارکرن.
هەروەسا نێزیکی شەش هزار قوتابخانە ل هەرێما کوردستانێ هەنە، ٥٦ ژ
سەدێ ل هەولێرێ و دهۆکێ نە و ٤٣ ژ سەدێ ژی ل سلێمانیێ و هەلەبجەن.
هەڤدەم، رێڤەبەرێ پەروەردەیا دهۆکێ ددەمێ دەستپیکرنا سالا نوی یا خاندنێ ل ئێک ژ قوتابخانەیێن دهۆکێ راگەهاند، ل ٩ پەروەردەیێن سنورێ دهۆکێ ١٥٢٨ قوتابخانە و باخچە و پەیمانگەهـ هەنە و ٤٠٦ هزار و٥٣٩ قوتابی ژی ل وی سنوری هەنە.
راگەهاند ژی، د ئەڤ سالەدا ٣١ هزار و ٢٩ قوتابیێن نوی ل وی سنوری هاتینە تۆمارکرن و زێدەتری ٤ ملیۆن پەرتۆک ژی دێ هێنە دابەشکرن.