PM:11:19:28/08/2025
656 جار خوێندراوەتەوە
+
-
دەستەیا
سەربەخۆیا مافێ مرۆڤی ل هەرێما کوردستانێ دبێژیت، دلگرانین هێرشکرنا سەر وان کەسان کو ل دەمێ دادگەها
شاسوار عەبدولواحید بەرهەڤبون، وەک پەرلەمانتارێن نەوەی نوێ، دبێریت ژی، دژی ڤان
جورە بنپێکریان و ب هەمی ئاوایان توندوتیژیێ رەت دکەین.
ئەڤرۆپێنج
شەمبی، دەستەیا سەبەخۆیا مافێ مرۆڤی ل هەرێما کوردستانێ د راگەهاندنەکێ دا
بەلاڤکر، رۆژا پێنج شەمبی تیمەکا نڤێسینگەها سلێمانیێ یا مافێ مرۆڤی پشکداربوون ل
رینشتنا دووێ یا دادگەهکرنا شاسوار عەبدولواحید سەرۆکێ ڤەلڤینا نەوەی نوێ کر.
ئاماژە
ب وێیەکی ژیکر، گۆتنێت شه‌ش شاهدان دەربارەی دۆسەیێ هاتینه وه‌رگرتن كو هه‌میان لائیحا
سه‌ر تۆمه‌تباری ره‌تكرن و پاشى لائیحا یاسایی یا به‌رگریا پارێزه‌ران پێشكێشى ده‌سته‌یا
دادگه‌هێ كرن، ژبه‌ر كو دۆسە ئێكلا نه‌بوو و نه‌گه‌هشتنه بڕیارا دوماهیێ،
روونشتن بۆ رێكه‌فتى 2 ى ئەیلولێ هاته پاشئێخستن.
هه‌روه‌سا
دبێژیت، "ده‌رباره‌ى بوویەرا بنپێکرنێ ل دویف گۆتنا په‌رله‌مانتارێن نه‌وه‌ی
نوی چه‌ند كه‌سێن ب جلێن مه‌ده‌نی هێرش كرنه سه‌ر وان و خه‌لكێ ل وێرێ ئاماده‌بووین
و توندوتیژی هاته بكارئینان، "ئه‌م وه‌كو ده‌سته‌یا سه‌ربه‌خۆ یا مافێن مرۆڤ
رادگه‌هینین كو نه‌رازیین ژ ڤی كاری و دژى هه‌می جۆره بنپێکرنەکێ و ب هه‌موو ئاوایەکێ
توندوتیژی ره‌ت دكه‌ینه‌ڤه".
تەکەزێ
ژی لسه‌ر ڤێ یەکی كر كو "نابت دناڤ حه‌ره‌ما دادگه‌هێ دا رێ ب ڤى جۆره كاران
بهێته دان و هیڤیان دكه‌ین لایه‌نێن په‌یوه‌ندیدار ڤەکولینێ د ڤى بابه‌تى دا بكه‌ن
و ئه‌م ژى ل خوه بینه‌ر دبین".
ده‌سته‌یا
سه‌ربه‌خۆ یا مافێن مرۆڤ ل هه‌رێما كوردستانێ راگه‌هاند كو "ئه‌م د راگه‌هاندنان
دا دبینین باس ل هنده‌ك حاله‌تێن توندوتیژیێ دهێته كرن به‌رامبه‌ر وان كه‌سێن بۆ
دادبینى ل وێرێ ئاماده‌بووین له‌ورا ب پشتراستی ڤه دی دیفچوونێ دكه‌ین و داخواز
دكه‌ین به‌لگه پێشكێشى مه بهێنه كرن و ده‌سته ب ئه‌ركێ خۆ دزانێت به‌دواداچوونێ
بكه‌ت.