AM:09:15:23/06/2025
844 جار خوێندراوەتەوە
+
-
شەڤادەربازبووی
ئارتێشا پاسداران راگەهاند، چەند مووشەکەک ئاراستەی ئیسرائیلێ کرینە و گەهشتینە
تەلئەبیب و ناڤەندا باژێری هژاندییە، ئارتێشا ئیسرائیلێ ژی راگەهاند، هێرش کریە
سەر بنگەهێن موشەکی و ژێرخانا سەربازی ل رۆژئاڤایێ ئیرانێ، کو دکەڤیتە باشورێ
رۆژئاڤایێ تەورێز.
درەنگیا
شەڤا دەربازبووی، ئارتێشا پاسداران راگەهاند، چەند مووشەکەک ئاراستەی ئیسرائیلێ
کرینە و ئارتێشا ئیسرائیلێ ژی راگەهاند، هێرش کریە سەر بنگەهێن مووشەکی و ژێرخانا
سەربازی ل رۆژئاڤایێ ئیرانێ.
هەروەسا، ل
هەمی جهێن ئیسرائیلێ زەنگا ئاگەهداریکرنێ هاتە لێدان وئارتێشا ئیسرائیلێ گوت، ئیرانێ
پێلەکا دییا هێرشێن مووسەکی دەستپێکرن و داخاز ژ خەلکی کر روی ل پەناگەهان بکەن.
هەڤدەم، بالەفڕێن
شەڕکەرێن ئیسرائیلێ هێرش کرە سەر چەند دەڤەرەکێن ئیرانێ و ل تەهرانێ دەنگێ تەقینان
و سیستەمێ بەڕەڤانیا ئەسمانی کەفتەکار بۆ ژناڤبرنا هێرشان.
ئارتێشا
پاسداران راگەهاند، ٢٠ بالەفڕێن جەنگیێن ئیسرائیل زێدەتر ژ ٣٠ ئارمانجان ل کرماشان،
هەمەدان تەهران بۆمبەبارانکرینە، کو ل هێرشاندا کۆگەهێن مووشەکان و بهنگەهێن
هاڤێتنا مووشەکان و سیستەمێ رادار، ناڤەندا چاڤدێریا هەیڤا دەستکرد ژناڤبرینە.
ئەڤەژی
ددەمەکی دایە، ١١ رۆژن هێرشێن مووشەکیێن ئیسرائیل و ئیرانێ بۆ سەر ئێک دبەردەوامن
و دووهی ژی ئەمریکا هێرشەکا ئەسمانی بۆ سەر هەرسێ بنگەهێن ئەتۆمیێن ئیرانێ کو
پێکدهێن ژ فۆردۆ، نەتەنز و ئەسفەهان کر.