PM:09:07:12/06/2025
156 جار خوێندراوەتەوە
+
-
شێوەرمەندێ سەرۆک وەزیرانێ عێراقێ ئەگەرێ خۆڤەکێشانا بەشەک ژ کارمەندێن
بالیۆزخانەیا ئەمریکا ل بەغدا ئاشکەراکر و گوت، بڕیارا ئەمریکا پەیوەندی ب رەوشا
ئەولەهییا عێراقێ ڤە نینە.
ئەڤرۆ پێنجشەمىی، فەرهاد عەلادین، شێوەرمەندێ سەرۆک وەزیرانێ عێراقێ بۆ
کاروبارێن پەیوەندیێن ژدەرڤە ب میدیایێن عێراقێ راگەهاند ولاتێ وان هەڤبەر ب سالێن
بووری سەقامگیری و بەرەڤپێشچوونەکا بەرچاڤ ب خۆڤە دیتیە و حکومەتا عێراقێ ژی هەمی
بزاڤان دکەت بۆ پارستنا هنارتیێن دیپلۆماسی.
راگەهاند ژی، گەف لسەر دیپلۆماتکار و کارمەندێێن هنارتێێن دیپلۆماسی د
عێراقێدا نینە.
دەربارەی ئەگەرێ ڤەکێشانا بەشەک ژ کارمەندێن بالیۆزخانەیا ئەمریکا ل بەغدا،
گوت ، ئەو بڕیار د کڤانێ خاندنا وی ولاتی دا بوویە بو رەوشا دەڤەرێ بگشتی، چ
پەیوەندییەکا راستەوخۆ ب رەوشا ئەولەهییا ناڤخۆیا عێراقێ ڤە نینە.
ئەڤەژی پشتی وێیەکێ یە، ئەمریکا بڕیاردا بەشەکێ کارمەند و دیپلۆماتێن بالیۆزخانەیا
خۆ ژ بەغدا و کونسولخانەیا هەولێرێ ڤەکێشیت.