PM:02:02:22/05/2025
684 جار خوێندراوەتەوە
+
-
ل دهۆکێ حالەتەکێ دییێ تایا
خوینبەربوونێ هاتە تۆمارکرن. نووچەگەهانێ ئێن ئاڕ تی ژی راگەهاند، توشبوو ژنەکا ٤٥
سالی یە.
ئەڤڕۆ پێنجشەمبی ٢٢ـێ ئەیارێ،
نووچەگەهانێ ئێن ئاڕ تی ل دهۆکێ راگەهاند، ژنەکا ٤٥ سالی کو خەلکا دەڤەرا شێلادزێ
یە تووشی تایا خوینبەربوونێ بوویە و نوکە ل بن چاڤدێریا نوژداری دایە.
ئاماژە ب وێیەکێ ژیکر، ئەو ژنا
نوکە توشبووی کەسوکارا وێ ژنێ یە یا چەند رۆژان بەری نوکە ل سنوورێ ئامێدیێ ب
ئەگەرێ تایا خوینبەربوونێ ژیانا خۆ ژ دەستدای.
راگەهاند ژی، دوهی ئەو ژن ب گومانا
توشبوون ب نەخۆشیا تایا خوینبەربوونێ بۆ نەخۆشخانەیا ئازادی ل دهۆکێ هاتبوو
ڤەگوهاستن، لێ ئەڤەرۆ پشکنینێن وێ ل بەغدا ڤەگەڕیان و دیار بوو کو تووشی نەخۆشیا
تایا خوینبەربوونێ بوویە.
ئەڤە د
دەمەکی دایە، 10ـێ ڤێ هەیڤێ ژنەکا ئاکنجیا شێلادزێ ل سنورێ ئامێدیێ پشتی سێ رۆژان
ژ مانا وێ ل نەخۆشخانێ ژبەر تایا خوینبەربوونێ ژیانا خۆ ژدەستدا. هەڤدەم ئەڤە
سێیەم حالەتێ توشبوونێ یە ب ڤایرۆسێ تایا خوینبەربوونێ د ئەڤسالە دا ل هەرێمێ
دهێتە تومارکرن.