PM:12:36:22/05/2025
1224 جار خوێندراوەتەوە
+
-
وەزارەتا دارایی و ئابووریا
حکومەتا رێڤەبرنا کاران ڕاگەهاند، وان زێدەتری 50 ملیار دینار ژ داهاتێ ناڤخۆ و
نەپەترۆلیێ هەرێمێ یێ هەیڤا دەربازبووی بۆ سەر هژمارا بەنکیا وەزارەتا داراییا
عێراقێ هنارت.
ئەڤرۆ پێنجشەمبی، وەزارەتا
دارایی و ئابووریا حکومەتا رێڤەبرنا کارێن هەرێمێ ڕاگەهاند، پشکا گەنجینەیا فیدرال
یا داهاتێ ناڤخۆ بۆ هەیڤا چار زێدەتری 50 ملیار دینار بۆ سەر هژمارا بەنکیا وەزارەتا
دارایی عێراقێ هنارت.
ئاماژە ب وێ یەکێ ژی کر،
کوژمێ وی پارەیێ هاتیە هنارتن 50 ملیار و 522 ملیۆن و 750 هزار دینارن، هەڤدەم ب
ئاوایێ کاش ژی بۆ هژمارا بەنکیا وەزارەتا داراییا عێراقێ ل تایێ بەنکا ناڤەندیا
عێراقێ ل هەولێرێ هاتیە هنارتن.
ژلایەکێ دی ڤە، نووچەگەهانێ
ئێن ئاڕ تی بەحسا وێ یەکێ کر، کوژمێ وی پارەیێ داهاتێ ناڤخۆ کو رادەستی بەغدا هاتیە
کرن کێمە و وەزارەتا داراییا عێراقێ رازی نینە ب وی کوژمێ پارەی ژبەرکو دڤێت نیڤا
داهاتێ ناڤخۆ بهێتە رادەستکرن.
ئەڤە د دەمەکی دایە، لدویف
رێکەفتنا هەرێم و بەغدا دڤێت حکومەتا رێڤەبرنا کارێن هەرێمێ 10ـێ هەمی هەیڤان لیستا
مووچەیێ هەرێمێ و نیڤا داهاتێ ناڤخۆ رادەستی بەغدا بکەت، لێ نها 12 رۆژا بسەرڤچووینە
و تا نها لیست رادەستی بەغدا نەکریە و کوژمەکێ کێم یێ پارەیێ داهاتێ ناڤخۆ رادەستی
بەغدا کر.