PM:09:32:21/05/2025
372 جار خوێندراوەتەوە
+
-
دەستەیا گشتی یا سەقاناسی و عەردهەژزانیا عێراقێ خشتەیێ
گۆهرینێن پلەیێن گەرمێ ل باژێرێن عێراقێ لهەمبەر ٣٠ بۆ ٦٠ سالێن دەربازبووی بەلاڤکر.
ئەڤرۆ چارشەمبی، سەقاناسیا عێراقێ بەلاڤکر، د کڤانێ
بزاڤێن بەردەوامێن وان دا بۆ چاڤدێری و لدویفچوونا گۆهرینا سەقایی، پشكا گۆهرینێن
سەقایی ل سەنتەرێ ڤەکۆلینێن سەقایی و زانستی بەردەوامە ژ بەلاڤکرنا نەخشەیەکی، کو
هەڤبەرکرنێ دکەت ژ بلندترین و نزمترین پلەیێن گەرمێ یێن تۆمارکریێن ئەڤرۆ دگەل
پلەیێن تۆمارکری بۆ هەمان رۆژ ل ٣٠ بۆ ٦٠ سالێن دەربازبووی دا ل پڕانیا پارێزگەهێن
عێراقێ.
ئاماژە ب وێیەکێ ژیکر، ئەنجامێن جودا دناڤبەرا پلەیێن
گەرما تۆمارکری د نها دا و د سالێن دەربازبووی دا دەردئێخیت، ئەڤە ژی نیشانەکە بۆ
وان گۆهرینێن سەقایێ ولات و جیهان تووش دبیت.
بەحسا وێیەکێ ژیکر، ئەو ڤەکۆلینە هەڤکار دبن ژ سروشتێ گۆهرینێن
سەقایی تێبگەهن و خۆ بۆ هەر کارتێکرنەکا بهێت لسەر سەقایی و چاندنێ و ژێدەرێن ئاڤی
بەرهەڤ بکەن.