PM:12:31:14/05/2025
244 جار خوێندراوەتەوە
+
-
پێلەکا چر یا تۆزا
بارینێ دەڤەرێن هەرێمێ ڤەگرتیە و ب وێ سەدەمێ 100 کەس ل کەرکوکێ و 15 کەس ژی ل
سلێمانیێ تەنگە نەفەس بووینە، سەقاناسیا هەرێمێ ژی دبێژیت، ئەڤرۆ ژی تۆز بارین دێ
بەردەوام بیت و ل هندەک جهان باران دێ باریت.
ئەڤرۆ چارشەمبی،
سەقاناسیا هەرێمێ راگەهاند، ژبەر نەبنەجهیا سەقای لەزاتیا بای ل هندەک دەڤەران دێ
زێدە بیت و تۆز بارین دێ بەردەوام بیت و ل هندەک دەڤەران باران بارین دێ دەستپێکەت.
سەقاناسیا عێراقێ ژی
ئاماژە ب وێ یەکێ کر، تۆز بارین ل دەڤەرێن جودایێن هەرێمێ دێ بەردەوام بیت و پلەیێن
گەرمێ ژی دێ هێنە خار.
ژلایەکێ دی ڤە، رێڤەبەریا
بەرهنگاربوونا قەیرانان ل هەولێرێ بەحسا وێ یەکێ کر، پێلا تۆز بارینێ بۆ دەمێ سێ
رۆژان دێ بەردەوام بیت و داخاز ژ وەلاتیان دکەن خۆ بپارێزن.
بلندترین پلەیێن گەرمێ
یێن پێشبینیکری ب پلەیا سیلیزی:
دهۆک : ٣٢ پلەیێن سیلیزی
زاخۆ: ٣١پلەیێن سیلیزی
هەولێر : ٣٢ پلەیێن سیلیزی
سلێمانی : ٣٢ پلەیێن سیلیزی
کەرکوک : ٣٧ پلەیێن سیلیزی
هەڵەبجە : ٣٢ پلەیێن سیلیزی
سۆران : ٢٧ پلەیێن سیلیزی
حاجی ئۆمەران : ١٨ پلەیێن سیلیزی
گەرمیان : ٣٨ پلەیێن سیلیزی