PM:08:50:13/05/2025
2612 جار خوێندراوەتەوە
+
-
رێڤەبەرێ ناحیا کەلەکچی بۆ ئێن ئاڕ تی راگەهاند، بەری دەمەکێ
کێم ل کەلەکچی ل سنورێ دهۆکێ شەڕە تەقە رویدا و سێ ئەندامێن ئێک خێزان هاتنە کوشتن.
ئەڤرۆ سێشەمبی، هەڤال
ئاکرەیی رێڤەبەرێ ناحیا کەلەکچی بۆ ئێن ئاڕ تی راگەهاند، د
بوویەرەکا تەقەکرنێ دا ل کەلەکچی کەسەکی سێ ئەندامێن خێزانا خۆ کوشتن کو ئێک ژوان
برایێ ویە و دوو ژی ژنبرایێن وی نە.
پۆلیسێن دهۆکێ ژی بەحسا
وێیەکێ کر، وی تۆهمەتباری ئاریشەیێن جڤاکی دگەل ئەندامێن خێزانا خۆ هەبوون، لهەمبەر
مالا وان دەسترێژیا گولـلەیان ل برایەکێ خۆ و دوو ژن برایێن خۆ کریە و هەر سێ کوشتن.
هەڤدەم، سەردار یەحیا،
قائیمقامێ شێخان بۆ نووچەگەهانێ ئێن ئاڕ تی راگەهاند، وی کەسێ برایێ خۆ و دوو ژن
برایێن خۆ کوشتی ڕەڤی یە.
ئەڤە ژی د دەمەکێدایە، د هەیاما ٤٨ دەمژمێرێن دەربازبووی
دا حەفت کەس هاتینە کوشتن ل دەڤەرێن جودایێن هەرێمێ، بەشەک ژ وەلاتیان ژی دبێژن، تا
نها حکومەتا رێڤەبرنا کاران نەشەیایە دیاردەیا هەلگرتنا چەکێ بێ مۆهکلەت چارەسەر
بکەت.
تائیف گۆران – دهۆک
مەروان یەحیا - کەلەکچی