PM:11:57:10/05/2025
912 جار خوێندراوەتەوە
+
-
وەزارەتا پێشمەرگەی راگەهاند، فەرمانا پێدانا زەڤیان بۆ هژمارەکا دی
یا ئەفسەر و پلەدارێن وەزارەتا پێشمەرگەی دەرچوو.
ئەڤرۆ شەمبی، وەزارەتا
پێشمەرگەی راگەهاندنەک بەلاڤکر و تێدا هاتیە، پشتی ڤەگەریانا گەرا ئێکێ یا پێدانا زەڤیان
ب ئەفسەر و پلەدارێن وەزارەتا پێشمەرگەی، ژ سەرۆکاتیا جڤاتا وەزیرێن حکومەتا هەرێمێ،
رازیبوون بۆ پێدانا زەڤیان ب ٩ هزار و ٥٧٩ ئەفسەر و پلەدارێن لیوا و یەکەیێن سەر ب
وەزارەتا پێشمەرگەی هاتە وەرگرتن.
هەر د وێ راگەهاندنێ دا هاتیە، کۆما گشتی ٩ هزار و ٥٧٩ کەس د وێ گەرێ
دا مفادار دبن و ئەو پرۆسەیە دێ بەردەوام بیت و داخازێ ژ هەمی وان هێز و یەکەیێن وەزارەتا
پێشمەرگەی دکەن لەزێ بکەن د رێکخستن و ب داتاکرنا فۆرمێن خۆ و ب رێکوپێکی بۆ
لیژنەیا زەڤیێن وەزارەتا وان بهنێرن و هەڤکار بن ژ جێبەجێکرنا وان رێکارێن بۆ وان
هاتینە هنارتن دا کو زۆرترین پێشمەرگە مفادار ببن ژ وێ پرۆسەیێ ل هەمی هەرێما
کوردستانێ.