PM:05:41:10/05/2025
752 جار خوێندراوەتەوە
+
-
وەلاتیەکی ل گوندێ بێناتان ل سنورێ ئاکرێ پشتی ١٦ سالێن ڤەقەتیانێ ژ
خاندنێ دووبارە ب رێکا دەرەکی شیا خاندنێ تەمام بکەت و ببیتە ئێکەم لسەر ئاستێ کۆلیژا
ئاکرێ.
بەختیار عیسمەت
تاهر، خەلکێ گوندێ بێناتانە ل ناحیا گردەسێن ل سنورێ ئاکرێ و کارێ شڤانیێ و پێش
نڤێژیێ و گووتار خاندنا مزگەفتا گوندێ خۆ دکەت، ل ژیێ ١٢ بۆ ١٣ سالیێ ب نەچاری دەست
ژ خاندنێ بەردا و دیڤدا پشتی ١٦ سالێن ڤەقتیانێ دووبارە ب رێکا دەرەکی شیا خاندنا
خۆ تەمام بکەت و ببیتە ئێکەم لسەر ئاستێ کۆلیژا ئاکرێ.
بەختیار عیسمەت،
وەکی ئەو بخۆ دبێژیت، حەز بۆ خاندنێ هەبوویە د دەمێ دەربازبووی دا و نها ژی.
هەم کارێ شڤانیێ دکەت هەم ژی خاندنا خۆ تەمام کریە تا کو بگەهیتە ماستەرێ.
نها ژی د قۆناغا دووێ یا ماستەرێ دایە و وەکی ئەو بخۆ ژی دبێژیت، دێ بەردەوام
بیت تا کو باوەرنامەیا دکتۆرایێ، هەروەسا دەمێ شڤانیێ ژی دکەت بەردەوام لاپتۆپی
دگەل خۆ دبەتە ژدەرڤە.