AM:11:55:19/03/2025
756 جار خوێندراوەتەوە
+
-
ئەڤرۆ جڤاتا وەزیرێن
حکومەتا رێڤەبرنا کارێن هەرێمێ ب بەرهەڤبوونا مەسرور بارزانی و قوتابد تالەبانیێ
جێگری وی دەربارەی داشکاندنا سزایێن هاتن و چوونێ و دامەزراندن لسەر میلاکێ حکومەتا
رێڤەبرنا کاران و دامەزراندنا دەرچویێن پشکێن نوژداری دێ کۆمبیت.
ئەڤرۆ چارشەمبی، حکومەتا
رێڤەبرنا کاران راگەهاند، کۆمبوونا جڤاتا وەزیران تایبەت دبیت ب سێ بڕگەیێن سەرەکی
ئەو ژی، داشکاندنا سزایێن هاتن و چوونێ و دامەزراندن لسەر میلاکێ حکومەتا رێڤەبرنا
کاران و دامەزراندنا دەرچویێن پشکێن نوژداری.
بڕگەیێ ئێکی، پێشنیازا
وەزارەتا ناڤخۆ بۆ درێژکرنا دەمێ بڕیارا داشکاندنا رێژەیا 20% یا بنپێکاریێن هاتن و چوونێ بۆ
دەمێ شەش هەیڤێن دی ژ (1ـی کانوونا دوویەم تا 30ـی حوزەیرانا) ئەڤسالە دێ هێتە
گوتوبێژکرن.
بڕگەیێ دوویێ،
ئێکئالیکرنا ئاریشەیا دامەزراندنێ لسەر میلاکا سازیێن حکومەتا رێڤەبرنا کاران ب
هەردەمی و گرێبەست کو ژ 1ـی تەممووزا 2024ـێ ڤە مووچە ژلایێ وەزارەتا دارایی و
ئابووری ژبەر جێگیرنەبوونا میلاکا هەیڤا تەمموزێ ژلایێ وەزارەتا داراییا عێراقێ بۆ
نەهاتیە ڤەبرین.
بڕگەیێ سێیێ، بابەتێ
دەرچوویێن سالا 2024ـێ یێن کولێژا نوژداری یێن زانکۆیێن حکومی لدویف پێشنیازا
نڤیسارا وەزارەتا ساخلەمیێ ب ژمارە (30689) ل 5ـی کانوونا دوویێ یا 2025ـێ دێ هێتە
گوتوبێژکرن.