PM:05:07:11/11/2024
136 جار خوێندراوەتەوە
+
-
پارێزگارێ دهۆکێ بۆ میدیایێن پارتی ڕاگەهاند، لسەر ئاستێ هەرێما کوردستانێ
و عێراقێ دهۆک خودانا پاقژترین سەقایە.
عەلی تەتەر پارێزگارێ دهۆکێ
ڕاگەهاند، لدویف داتایێن فەرمی یێن عێراقێ دهۆک لسەر ئاستێ هەرێما کوردستانێ و
عێراقێ خودانا پاقژترین سەقایە.
ئەڤە د دەمەکی دایە، بەریا نها ئاژانسا ناسا ڕاگەهاندبوو، لسەر ئاستێ
عێراقێ دهۆک خودانا پیسترین ژینگەهە و کارگەهێن کواشی ب مەترسی لسەر ژیانا خەلکی دانە زانین.
هەروەسا، ل
دەڤەرا کواشێ پتری 100 پارزینگەهـ و کومپانیێن جودا یێن پێشەسازی هاتینە دروستکرن لدویف
راپورتێن ژینگەهی ژی، دەڤەرا کواشێ ئێک ژ
پیسترین و خراپترین دەڤەرانە ل کوردستانێ و جیهانێ.
هەڤدەم، ل دویف
ڤەکۆلینەکا زانستی ، 270,315 ترۆمبێل و 1814 موالیدەیێن کارەبێ ل پارێزگەها دهۆکێ
هەنە، ئەڤە هەردوو پێکڤە رۆژانە 1,500,000 لترێن بەنزینێ و 650,000 لترێن گازوایلێ
د مەزێخن و ئەڤ رێژا سۆتەمەنیێ رۆژانە 1,741,188 کیلۆگرامێن دوانەئۆکسیدی کاربۆن
بەرهەمدئینن و سالانە 626,827,680 کیلۆگرامێن دوانەئۆکسیدی کاربۆن بەرهەمدئینن. و
ب رێژەیی؛ ئەڤ رێژەیە جار و نیڤان زێدەتری باژێرێن مینا نیۆدلهی و قاهیرە نە.
ڤەکۆلەری
رێژەیا ئاکنجی و ژمارا ترۆمبێل و رووبەرێ عەردی یێن دهۆکێ دگەل نیۆدلهیا هندستانێ
و قاهیرەەیا مسرێ هەڤبەرکرینە و ب رێژەیی گەهشتیە ڤی ئەنجامی.