PM:01:34:03/11/2024
396 جار خوێندراوەتەوە
+
-
یەکگرتوویا ئیسلامی
کوردستانێ راگەهاند، د جڤینا جڤاتا سەرکرداتیا وان دا بڕیار هاتەدان کۆنگرەیێ
نەهەمێ وێ حزبێ د دەمێ دیاریکریێ خۆ دا و بەری سەرێ سالێ بهێتە گرێدان.
جڤاتا سەرکرداتیا یەکگرتوویا
ئیسلامی کوردستانێ راگەهاند، چەند لژنە هاتینە ئەرکدارکرن بۆ تەمامکرنا بەرهەڤیان بۆ
گرێدانا کۆنگرەیێ نەهەمێ وێ حزبێ د دەمێ دیاریکریێ خۆ دا.
ئەو یەکژی بەرچاڤکر، ل
کابینەیا بهێت یا حکومەتا هەرێمێ پشکدار نابن و دێ درێژەیێ ب رۆلێ ئۆپۆزسیۆن بوونا
خۆ دەن ل پەرلەمانێ کوردستانێ.
دەربارەی ئەنجامێن
هەلبژارتنا گەرا شەشەما پەرلەمانێ کوردستانێ بەحسا وێ یەکێ کر، دلگرانن لهەمبەر
ئالیێن دەستهەلاتێ کو جارەکا دی زێدەباری بکارئینانا سامانێ گشتی و دەزگەهێن
راگەهاندنێ بۆ بەرژەوەندیێن خۆ، هەوار برنە چەندین شێوازێن گڤاشتن و سەختەکاری و
کارێن نەیاسایی ب مەرەما کێمکرنا رێژەیا دەنگ و ژمارە کورسیێن یەکگرتوویا ئیسلامی
کوردستانێ و چەندین ئالیێن دی یێن ئۆپۆزسیۆن.