PM:02:24:11/05/2024
1180 جار خوێندراوەتەوە
+
-
وەزیرا چاندنا حکومەتا رێڤەبرنا کارێن هەرێمێ بۆ ئێن ئاڕ تی ڕاگەهاند، رۆژا
دووشەمبی یا بهێت دگەل وەزارەتا چاندنا عێراقێ کۆم دبن و داوی بڕیار لسەر رێژەیا
وەرگرتنا گەنمێ جوتیارێن هەرێمێ ددەن.
ئەڤرۆ شەمبیێ، بێگەرد تالەبانی، وەزیرا چاندنا حکومەتا رێڤەبرنا کارێن هەرێمێ
بۆ ئێن ئاڕ تی ڕاگەهاند، د چەند رۆژێن داهاتی دا عێراق بڕیارێ لسەر رێژەیا
وەرگرتنا گەنمێ ئەڤسالە یێ جوتیارێن هەرێمێ ددەت.
ئاماژە ب وێ یەکێ ژی کر، داخاز کریە جوداهی دناڤبەرا جوتیارێن هەرێمێ و
ناڤەراست و باشورێ عێراقێ دا نەهێتە کرن.
ئەویەک ژی بەرچاڤ کر، رۆژا دووشەمبیێ دگەل وەزارەتا چاندنا عێراقێ لسەر وێ
پرسێ کۆم دبن.
هەڤدەم، نەوزاد کامیل رێڤەبەرێ گشتی یێ بازرگانیا هەرێمێ بۆ ئێن ئاڕ تی
گۆت، "کار لسەر وێ یەکێ دکەین هەر جوتیارەکی چەند گەنم بەرهەمئینایە ژێ بهێتە
وەرگرتن".
ئەڤە ژی د دەمەکی دایە، رۆژا ١٢ـێ نیسانێ وەزارەتا بازرگانیا عێراقێ
ڕاگەهاند، دەست ب وەرگرتنا گەنمێ ناڤخۆ بۆ سالا ٢٠٢٤ـێ کریە و بزاڤان دکەن زۆرترین
رێژەیا گەنمی ژ جوتیاران بکرن.
هێرش قادر - هەولێر