PM:11:23:14/10/2021
732 جار خوێندراوەتەوە
+
-
ئاژانسا نێڤدەولەتیا وزەیێ ڕاگەهاند، پێشبینی
دکەین ئاریشا وزەیا جیهانی ببیتە سەدەمێ زێدەبوونا خواستا لسەر پەترۆلێ و بڤێ یەکێ
ژی رۆژانە خواست لسەر ٥٠٠ هزار بەرمیلێن پەترۆلێ زێدە دکەت و بلندبوون دروست دبیت.
ئەڤرۆ پێنجشەمبێ، ئاژانسا نێڤدەولەتیا وزەیێ
دڕاپۆرتا خۆ یا مەهانەدا دەربارێ پەترۆلێ ئاشکەرا کریە، بهایێ ڕەژی و گازێ پیڤانەییە
و بەردەوام بڕینا وزەیا کارەبێ دبیتە ئەگەرێ دروستبوونا گڤاشتنان لسەر کەرتێ وزەی و
پیشەسازیێ و خڕڤەبوونەکا زێدە و زۆریا بکارئینانا وزەیێ، بڤێ چەندێ ژی هەواربرنا
بەر بکارئینانا پەترۆلێ دبیتە پڕۆسەیەکا بەردەوام.
ڕاپۆرتێ ئاماژە ب وێیەکێ ژی کریە، دبن
ڕۆناهیا ڤی رەوشێدا، پێشبینی دهێتەکرن دسالا بهێتدا خواست لسەر پەترۆلێ دسەر ئاستێ
جیهانیدا ب ئاوایەکی زێدە بکەت کو بگەهیتە ئاستێ قۆناغا بەری کۆرۆنایێ.
ڕاپۆرتا ئاژانسا وزەیا نێڤدەولەتی ئەو یەک ژی
ئاشکەراکریە، زێدەبوونا خواستا لسەر وزەیێ ل چارێکا داویا ئەڤسالەدا، بوویە سەدەمێ
وێ چەندێ کۆژمێ یەدەگا هەشت سالێن پەترۆلا هەلگرتی بهێتە بکارئینان، ددەمەکیدا ل
سالا ٢٠١٥ێ وەرە هەلگرتنا پەترۆلێ ب ئاوایێ یەدەگ ژئالیێ رێخراوا هاریکار یا ئابووری
وگەشەیا ئابووریڤە نزمترین ئاست دروستکریە.
ڕاپۆرتێ پێشبینیا وێ چەندێ ژی کریە، سستیا کۆنترۆلکرنا
کۆرۆنایێ و بڕینا تەزویا کارەبێ بئاوایەکێ بەردەوام و بلندبوونا ئاستێ خواستا ل سەر
پەترۆلێ، سەدەمن بۆ بلندبوونا بهایێ پەترۆل و وزەیێ و بڤێ یەکێ ژی سستی دکەڤیتە
ڤەژراندنا ئابووری لسەر ئاستێ نێڤدەولەتی.
بۆ چارەسەرکرنا ئاریشێ ژی، ئاژانسا
نێڤدەولەتی یا وزەیێ، ئاماژە ب وێ چەندێ دایە، گوهۆرینا جۆرێ وزەیێ و بکارئینانا وزەیا
پاقژ کو هەڤالا ژینگەهێ بیت دەرفەتەکا باشە بۆ دەربازکرنا ڤێ ڕەوشێ، لێ ڤێ چەندێ
دڤێت بئاوایەکێ بلەز کار تێدا بهێتەکرن، ئەگەر وێنەکەن بڤێ چەندێ بازارێ وزەیێ د داهاتیدا دێ تووشی ئاریشەیێن گرانتربیت.
ئەڤە د دەمەکیدایە، د دەمێ دەربازبوویدا، ل
سەر ئاستێ جیهانێ بهایێ پەترۆل و گاز و سوتەمەنیێ "وزە" ب ئاوایەکێ
سروشتی بلندبوویە و د دەمەکیدا بەرهەمئینانا وزەیێ ل ئاسیا و ئەورۆپا کورتئینان کریە.