PM:06:33:14/10/2021
864 جار خوێندراوەتەوە
+
-
باژێرڤانیا زاخۆ هایداریێ ددەتە هەمی لیست و
قەوارەیێن بەژدار دهەلبژارتنێن عێراقێ دا بۆ دەما حەفتیەکێ بەرمایکێن خۆ لسەر جاددەیان
پاقژبکەن، دبێژیت ژی، بەروڤاژی دێ پێرابوونێن یاسایی لهەمبەر ئینەکرن.
سەرۆکایەتیا باژێرڤانیا ئیدارا سەربەخۆیا
زاخۆ هایداریەک بەلاڤکر و تێدا، هەمی لیست و قەوارەیێن بەژدار دهەلبژارتنێن عێراقێدا
هایدارکرینە بەرمایکێن خۆیێن بانگەشێ لسەر جاددەیان پاقژ بکەن ژبوی وێیەکێ سیمایێ
باژێری پاقژتر ببیت.
دبێژیت ژی، هەر ئالیەک یان بەربژێرەکێ بۆ
دەما ئێک حەفتی ڤی کاری ئەنجام نەدەت دێ پێرابوونێن یاسای لهەبمەر ئێنە بکارئینان.
ئەڤە د دەمەکێ دایە، ل رۆژا ٨ی ١٠ی هەلبژارتنێن
تایبەت و رۆژا ١٠ی ١٠ی هەلبژارتنێن گشتی یا وەلاتیان بۆ پەرلەمانێ عێراقێ لسەرتاسەری
عێراق و هەرێما کوردستانێ برێڤەچوون و تێدا ل گۆرەی ئەنجامێن دەستپێکێ ٤١%ێ یا
وەلاتیان بەژداری تێداکریە و هێشتا ئەنجامێن داویێ نەهاتنە ڕاگەهاندن.
هەڤدەم، لسەرتاسەری عێراق و هەرێمێ بەشەکێ ژ
لیست و قەوارە و بەربژێرێن سەربەخۆ
پۆستەرێن خۆ ژ وان جهان ڕانەکرنە ئەوێنبۆ بانگەشێ لێ داناین.